بۇرناعى كۇنى ۇلتتىق اكادەميالىق كىتاپحانانىڭ «كوگىلدىر» زالىندا ءۇندى ۇلتىنىڭ اتاسى جانە بەيبىتشىلىك, ادىلەتتىك جولىنداعى كۇرەسكەر ماحاتما گانديدىڭ تۋعان كۇنىنە وراي وتەتىن حالىقارالىق بىرلىك پەن راقىمشىلىق مەرەكەسى ۇيىمداستىرىلدى.
سالتاناتتى شارا الەمدىك دەڭگەيدەگى تۇلعانىڭ بيۋستىنە گۇل شوقتارىن قويۋدان باستالدى. جيىندى اشىپ, ءسوز سويلەگەن كىتاپحانا ديرەكتورىنىڭ ورىنباسارى عاليا يساحانوۆا كوپشىلىكتى اتاۋلى كۇنمەن قۇتتىقتادى. «ماحاتما گانديدىڭ تۋعان كۇنىنە ورايلاستىرىلعان بۇل مەيرام 2007 جىلدان بەرى بۇۇ باس اسسامبلەياسىنىڭ ۇيعارىمىمەن الەمنىڭ جەر-جەرىندە اتالىپ وتەدى. بۇدان ادامدار اراسىندا كۇش قولدانباۋ قاعيداسىنىڭ نەگىزىن قالاعان تۇلعانىڭ شىعارمالارى ءالى دە ماڭىزىن جوعالتپاعانىن كورەمىز. 2006 جىلى ءبىزدىڭ كىتاپحانامىزدا تۇڭعىش رەت ءۇندى زەرتتەۋ ورتالىعى اشىلعان بولاتىن. ونداعى م.گانديدىڭ كىتابى بارشا وقىرمانىمىزدىڭ قۇندى دۇنيەسى دەر ەدىم. اسىرەسە, ونىڭ تاڭدامالى حاتتارى مەن سوزدەرىنىڭ قازاقشا اۋدارماسى سارقىلماس قازىنامىزعا اينالعان» دەدى ع.بوكەيقىزى.
باسقوسۋدا ءۇندىستاننىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى حارش كۋمار دجاين ءسوز سويلەپ, شارانىڭ جوعارى دەڭگەيدە ۇيىمداستىرىلعانىنا ريزاشىلىعىن ءبىلدىردى.
مەرەكە بارىسىندا قاتىسۋشىلار ەلىمىزدەگى ءۇندىستان ەلشىلىگى جانىنداعى ءۇندى مادەني ورتالىعىنىڭ كونتسەرتتىك باعدارلاماسىن تاماشالادى.
اسحات رايقۇل
