ەلباسى قر قك جوعارعى باس قولباسشىسى نۇرسۇلتان نازارباەۆ ۇلى وتان سوعىسى ارداگەرلەرىن الداعى جەڭىس كۇنىمەن قۇتتىقتادى.
«اتالار مەن اكەلەردىڭ جاۋىنگەرلىك ناگرادالارى – بارشا قازاقستاندىق وتباسىلار ءۇشىن باعا جەتپەس جادىگەر. ءبىزدىڭ مەرەكەلىك كۇنتىزبەدە وتان قورعاۋشى كۇنى مەن ۇلى وتان سوعىسىنداعى جەڭىس كۇنى بىرىنەن سوڭ ءبىرى جالعاسۋى سيمۆولدىق مانگە يە. بۇل ءوز كەزەگىندە ءبىزدىڭ حالقىمىزدىڭ بارلىق ۇرپاقتارىنىڭ جاۋىنگەرلىك داستۇرلەر داڭقىنىڭ ساباقتاستىعىن كورسەتەدى» دەدى پرەزيدەنت استاناداعى «قازاقستان» ورتالىق كونتسەرت زالىندا وتكەن مەرەكەلىك كونتسەرتتىڭ الدىندا سويلەگەن سوزىندە.
مەملەكەت باسشىسى ۇوس ارداگەرلەرى, تىل ەڭبەككەرلەرى ەرەكشە قۇرمەتكە لايىق ەكەنىن قاداپ ايتتى. وسى رەتتە ەلباسى سوعىستىڭ ناۋبەتتى جىلدارىندا وزدەرىن قۇربان قىلعانى ءۇشىن بۇگىندە ارداگەرلەردىڭ جاعدايىنا قامقورلىق جاساۋعا قازىرگى ۇرپاق ەرەكشە ءمان بەرۋى ءتيىس ەكەنىن اتاپ ءوتتى.
«سىزدەردىڭ جاۋىنگەرلىك ەرلىكتەرىڭىز قازاقستان جەرىندە ەشقاشان ۇمىتىلمايدى. باتىرلىق پەن ۇلى جەڭىس ءۇشىن بارلىق ارداگەرلەرگە العىسىمىز شەكسىز جانە تاعزىم ەتەمىز! بۇل جەڭىستىڭ ناتيجەسىندە ءبىز, ياعني, ءسىزدەردىڭ ۇرپاقتارىڭىز بەيبىت زاماندا ءومىر ءسۇرۋدەمىز!» دەدى ن.نازارباەۆ.
