جاڭالىقتار

مايدانگەرلەرگە ماداق

بۇگىنگى تاڭدا ەسىل اۋدانى اۋماعىندا ۇلى وتان سوعىسىنىڭ 16 ارداگەرى جانە 155 تىل ارداگەرى تۇرادى.

ۇلى جەڭىسكە 68 جىل تولۋىنا وراي ءىس-شارالار ءساۋىر ايىنان باستاپ ەسىل اۋدانىنىڭ ارداگەرلەر كەڭەسىمەن بىرلەسە اتقارىلدى. جىل سايىنعى ءداستۇر بويىنشا مايدانگەرلەردى ۇيىنە بارىپ قۇتتىقتاۋ اكتسياسى ۇيىمداستىرىلدى. بيىلعى اكتسياعا قازاقستان رەسپۋبليكاسىنىڭ وڭىرلىك دامۋ مينيسترلىگىنىڭ باسشىلارى جانە ەسىل اۋدانىنىڭ اكىمى ءسابيلا مۇستافينا قاتىستى. 8 مامىر كۇنى اۋدان اكىمى ۇلى وتان سوعىسىنىڭ ارداگەرى نۇرشيدا احمەتوۆانى جەڭىس مەرەكەسىمەن قۇتتىقتاپ شىقتى. اۋداننىڭ ءبىلىم بەرۋ ۇيىمدارىندا, اتاپ ايتساق, №17,24,45,59,66,69, نازارباەۆ زياتكەرلىك مەكتەبى جانە قازاقستان – رەسەي ۋنيۆەرسيتەتى, نازارباەۆ ۋنيۆەرسيتەتى, «جاس ۇلان» رەسپۋبليكالىق مەكتەبى, «نۇر وردا» حالىقارالىق مەكتەبىندە ارداگەرلەرگە ارنالعان ءتۇرلى اكتسيالار, كونتسەرتتىك باعدارلامالار, دوڭگەلەك ۇستەل, اشىق ساباقتار جانە باسقا دا ءىس-شارالار ۇيىمداستىرىلدى.

اۋدان كاسىپورىندارى مەن مەكەمەلەرىندە دە قۇرمەت كور­سەتىلدى. اتاپ ايتساق, «استانا-ايماقتىق ەلەكتروجۇيەلى كومپانيا» اق, «استانا حالىق­ارالىق اۋەجايى» اق ۇلى وتان سوعىسى ارداگەرلەرى مەن تىل ەڭبەككەرلەرىنە اقشالاي سىيلىق جانە كادەسىيلار تابىستادى.
بيىل ەسىل اۋدانىندا ورنالاسقان «مەگا», «سارىارقا», «كەرۋەن», «حان شاتىر» سوو, «كەرەمەت» مسك, «قا­زاقستان» وكز, «ماگنۋم» جشس, «نۇر استانا قۇ­رىلىس» جشس, «ۇلتتىق كەن-رۋدا كومپانيا «تاۋ-كەن سامۇرىق» اق, «سەمبول» اق, «زەردە» ۇلتتىق اقپاراتتىق كوممۋنيكاتسيالىق حولدينگ», «سارىارقا» رەسپۋبليكالىق ۆەلوترەك ۇيىمدارىنىڭ كۇشىمەن 110 ارداگەرگە تۇرمىستىق تەحنيكا جانە ازىق-تۇلىك قورجىندارى تابىستالدى.

ۇلتتىق مەديتسينالىق حولدينگپەن بىرلەسە وتىرىپ 21 ارداگەرگە مەديتسينالىق تەكسەرىس جۇرگىزىلىپ, تەگىن مەديتسينالىق كومەك الۋعا ارنالعان سەرتيفيكاتتار تابىستالدى.

9 مامىر كۇنى 30 ارداگەر «وتان قورعاۋشىلار» مونۋمەنتىنە گۇل شوقتارىن قويۋ راسىمىنە قاتىستى. قالىپتاسقان ءداستۇر بويىنشا كونتسەرتتىك باعدارلاما ۇيىمداستىرىلىپ, مەرەكەلىك داستارقان جايىلدى.

ەربول جانات

تاعىدا

ۇقساس جاڭالىقتار

پىكىر ۇستەۋ

Back to top button