استانادا بىرقاتار ۇيلەردىڭ مانساردتارى مەن شاتىرلارىن بۇزۋ جۇمىستارى باستالدى.
استانا قالاسىنىڭ توتەنشە جاعدايلار دەپارتامەنتى اقتاستى, جۇبانوۆ, برۋسيلوۆسكي, جيرەنتاەۆ, پەتروۆ, كونستيتۋتسيا, قاراساي باتىر, ەسەنبەرلين, ايمانوۆ كوشەلەرىندە جانە اباي داڭعىلىندا ورنالاسقان مۇنداي ۇيلەردى اپاتتى جاعدايدا دەپ تانىدى. سوندىقتان جەرگىلىكتى تەحنوگەندىك توتەنشە جاعدايدى جويۋ جانە بولدىرماۋ ماقساتىندا اتالمىش ۇيلەردىڭ توبەسىن بۇزۋ تۋرالى شەشىم قابىلداندى. نىسانداردى تەكسەرۋ بارىسىندا ونىڭ ادام ومىرىنە قاۋىپ ءتوندىرۋى مۇمكىندىگى انىقتالعان. بۇگىندە تەحنولوگيالىق جاعدايى ناشار تۇرعىن ۇيلەردىڭ شاتىرىن جوندەۋ جانە قۇرىلىسى اياقتالماعان قاباتتاردى بۇزۋ جۇمىستارى باستالىپ كەتتى.
