ماقسات – ايقىن, مىندەت – زور
قر مادەنيەت جانە سپورت مينيسترلىگى ۇكىمەتتىك ەمەس ۇيىمدارمەن الەۋمەتتىك ماڭىزى بار جوبالاردى جۇزەگە اسىرۋ اياسىندا «جەرۇيىق» قوعامدىق بىرلەستىگى بيىل شىعارماشىل زيالى قاۋىم مەن ونەردىڭ بەدەلدى وكىلدەرىنەن ساراپشىلار پۋلىن قۇرعان ەدى. وسى جوبا نەگىزىندە مەملەكەت باسشىسىنىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى جولداۋىنىڭ نەگىزگى مىندەتتەرىن تالقىلاپ, ونى ءارى قاراي ىلگەرىلەتۋگە ارنالعان ساراپشىلار وتىرىسى وتكىزىلدى.
سونداي-اق, تالقىعا ەلباسىنىڭ جولداۋىمەن قاتار, مادەنيەت سالاسىن دامىتۋ جونىندەگى تۇجىرىمداما جوباسىنىڭ باسىم مىندەتتەرى دە سالىندى. ۇلتتىق عىلىم اكادەمياسىنىڭ اكادەميگى, فيلوسوفيا عىلىمىنىڭ دوكتورى, پروفەسسور ابدىمالىك نىسانباەۆ, بەلگىلى كينو رەجيسسەرى, قر ەڭبەك ءسىڭىرگەن قايراتكەرى حاليلا وماروۆ, رەسپۋبليكالىق اباي قورىنىڭ پرەزيدەنتى, ساياساتكەر جۇمابەك اشۋۇلى, «ارسيستەم كZ» رەسپۋبليكالىق قوعامدىق بىرلەستىگىنىڭ توراعاسى ءادىل نەسىپباەۆ, بەلگىلى ەسترادا ءانشىسى ساكەن قالىموۆ جانە فيلوسوفيا عىلىمىنىڭ دوكتورى, پروفەسسور باقىتجان ساتەرشينوۆ سىندى ساراپشىلار ەلباسى جولداۋىنىڭ جۇزەگە اسۋ بارىسى تۋرالى ويلارىن ورتاعا سالدى. قازاقستان رەسپۋبليكاسىنىڭ پرەزيدەنتى ن.ءا.نازارباەۆتىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى جانە جالپى جىل سايىنعى قازاقستان حالقىنا ارنالعان جولداۋلارىنداعى ەلدىڭ دامۋىنا بايلانىستى ناقتى باعىت-باعدارلار ايقىندالىپ كەلە جاتقانىنا تاعى ءبىر انىق كوز جەتكەنى ايتىلدى.
بۇل رەتتە ەلدى ساياسي-ەكونوميكالىق تۇرعىدا جەدەل دامىتۋ جولىنداعى بىرقاتار مەملەكەتتەردىڭ تاجىريبەسى حالىقتىڭ باسىم بولىگى جاڭارتۋ ساياساتىن سانالى تۇردە قولداعان ۋاقىتتا عانا مۇمكىن بولاتىندىعىن كورسەتىپ وتىر. وسى ورايدا, كوزدەگەن مىندەتتىڭ وڭ شەشىلۋىنە ەلىمىزدىڭ الەمدىك باسەكەگە قابىلەتتى مەملەكەتتەرى قاتارىنا قوسىلۋ ستراتەگياسىنىڭ جۇزەگە اسىرىلۋى وزىندىك سەپتىگىن تيگىزبەك.
جاقسى ساتۇلى