ءماسليحاتتانىم

ماقساتىم – ەلگە ءمىنسىز قىزمەت ەتۋ

كەنەسبەكوۆيچ

وتكەن جىلى اتقارىلعان جۇمىستارعا توقتالار بولسام, ءوزىم دەپۋتات بولىپ سايلانعان №19 سايلاۋ وكرۋگىندە ءار ايدىڭ ءبىرىنشى جانە سوڭعى سارسەنبىسىندە تۇرعىندار ءۇشىن جەكە قابىلداۋ ۇيىمداستىرىپ, ەسەپتى كەزەڭدە وكرۋگتە 30 قابىلداۋ جاسادىم. ولاردىڭ ەكەۋى تۇرعىنداردىڭ ءوتىنىشى بويىنشا كەزەكتەن تىس ۇيىمداستىرىلسا, ءۇش رەت وكرۋگ اۋماعىندا سايلاۋشىلارمەن كەزدەسۋ وتكىزىلدى.

وسى جۇمىستاردىڭ ناتيجەسى كورسەتكەندەي, ەسەپتى مەرزىمدە تۇرعىنداردان جۇزدەن استام ءوتىنىش كەلىپ ءتۇستى. ولاردىڭ باسىم بولىگى بالاباقشاعا بالالارىن ورنالاستىرا الماي جۇرگەندەرىن ايتىپ, ارىزدانسا, جيىرما ەكى ادام جۇمىس سۇراپ كەلدى. سونداي-اق, تۇرعىن ءۇي, دەنساۋلىق ساقتاۋ ماسەلەلەرىن كوتەرىپ, ماتەريالدىق كومەككە ءزارۋ ەكەندىكتەرىن العا تارتتى.

سوڭعى ءبىر جىل كولەمىندە 40-تان استام دەپۋتاتتىق ساۋال جولدادىم. بۇل رەتتە كوپ اتا-انالاردىڭ مەملەكەتتىك بالاباقشالاردا ورىن جەتىسپەۋشىلىگىنەن مەكتەپ جاسىنا دەيىنگى بالالارىن بالاباقشاعا بەرە الماي وتىرعاندارىنا كۋا بولدىم. سونداي-اق, جۇمىسسىز جاستارعا قول ۇشىن سوزىپ, ولاردىڭ جۇمىسقا ورنالاسۋىنا ىقپال ەتتىم.

قايىرىمدىلىق شارالاردان دا قالىس قالىپ كورگەن ەمەسپىن. اتاپ ايتساق, قالاداعى ارداگەرلەر ۇيىمىنا, «ءۇمىت-نادەجدا» بالالاردىڭ قايىرىمدىلىق قورىنا, «قازاق سوقىرلار قوعامىنا» جانە №45 مەكتەپتىڭ وقۋشىلارىنا مۇمكىندىگىمشە قارجىلاي قولداۋ كورسەتتىم.

جىلداعى ءداستۇر بويىنشا ءبىلىم كۇنى قارساڭىندا «بالالاردى مەكتەپكە دايىندايمىز!» اكتسياسىنا اتسالىسىپ, 168 وقۋشىعا مەكتەپكە قاجەتتى قۇرال-جابدىقتارىن ساتىپ اپەردىم. سونىمەن بىرگە استاناداعى 28 مەكتەپ جاسىنداعى بالانىڭ شۋچەدەگى «Discovery» بالالار لاگەرىندە دەمالۋى ءۇشىن تەگىن جولدامامەن قامتاماسىز ەتتىم.

بيىل قاڭتار ايىنىڭ 15-ىنەن 22-سىنە دەيىنگى ارالىقتا كوشپەلى قوعامدىق قابىلداۋ ۇيىمداستىردىم. بۇل رەتتە تۇرعىندار وكرۋگىمدەگى پريگورودنىي, تەلمان جانە زارەچنىي تۇرعىن الاپتارىنىڭ كوكەيكەستى پروبلەمالارىن ورتاعا سالدى. وسىلايشا, پريگورودنىي تۇرعىن الابى تۇرعىندارىنىڭ باستاماسىمەن, ەسىل اۋدانى اكىمدىگىنىڭ قولداۋىمەن جاڭا اەروپورت كوشەسىندەگى №111 ۇيدە ۋچاسكەلىك پوليتسيا پۋنكتى ورنالاستىرىلدى. بۇل جەردە ءتارتىپ ساقشىلارىنىڭ جۇمىس ىستەۋى ءۇشىن بارلىق جاعداي جاسالعان.

وكرۋگ تۇرعىندارىنىڭ باسقا دا وتىنىشتەرى بويىنشا ءتۇسىندىرۋ جۇمىستارى جۇرگىزىلىپ, قالالىق دەنساۋلىق ساقتاۋ, ءبىلىم, ساۋلەت جانە قالا قۇرىلىسى, اكىمشىلىك پوليتسيا باسقارمالارى مەن ەسىل اۋدانىنىڭ اكىمدىگىنە دەپۋتاتتىق ساۋال جولداندى.

كەزەكتى ءبىر كەزدەسۋدە قالاداعى №75 بالاباقشانىڭ مەڭگەرۋشىسى بالاباقشا اۋماعىنا ويىن الاڭىن ورناتىپ بەرۋ جونىندە ءوتىنىش ايتقان بولاتىن. جالپى, وكرۋگىمدەگى بىردە-ءبىر ادامنىڭ ءوتىنىشى اياقسىز قالمايدى, ولاردى جاۋاپتى مەكەمەلەردىڭ باسشىلارىمەن بىرلەسە قاراستىراتىن بولامىز. الداعى ۋاقىتتا سايلاۋشىلاردىڭ ارقايسىسىنىڭ تالاپ-تىلەگى ەسكەرىلىپ, ءوز شەشىمىن تابادى دەگەن ۇمىتتەمىن.

 

قايرات جاۋحانوۆ,

استانا قالاسى ءماسليحاتىنىڭ №19 سايلاۋ وكرۋگى بويىنشا دەپۋتاتى

 

تاعىدا

ۇقساس جاڭالىقتار

پىكىر ۇستەۋ

Back to top button