ءبىلىم

ماسساچۋسەت – تەحنولوگيانىڭ ميقازانى

6a00d8341bfb1653ef017ee9376166970d

شەتەلدە ءبىلىم بەرۋ مەن وقىتۋ سالاسىندا جۇمىس ىستەيتىن بري­تاندىق «Quacquarelli Symonds» كومپانياسى جىل سايىن ءارتۇرلى كورسەت­كىشتەر بويىنشا الەمدىك ماڭدايالدى ۋني­ۆەرسيتەتتەردىڭ رەيتينگىن انىقتايدى. ولار­دىڭ قورىتىندىلارىنا سايكەس بۇگىندە ماسساچۋسەتتەگى اقش تەحنولوگيا ينستيتۋتى بارلىق جوعارى وقۋ ورىندارىنىڭ الدىندا تۇر. ۋنيۆەرسيتەتتەردىڭ جۇمىس ونىمدىلىگىن باعامدايتىن لومباردي باعدارلاماسى 2000 جىلدان بەرى ۇزدىك بەس ۇلتتىق ۋنيۆەرسيتەتتىڭ جەتىستىكتەرىن تۇراقتى كورسەتىپ كەلەدى.

ماسساچۋسەت اقش تەحنولوگيا ينستيتۋتى 5 مەكتەپ, 1 كوللەدج, 34 اكادەميالىق سالا, ءبو­لىمشە, باعدارلاما جانە زەرتحانادان قۇرال­عان. ەڭ باستىسى, جوعارى وقۋ ورنى بارلىق ستۋدەنتىن جاتاقحانامەن قامتاماسىز ەتكەن.

ايتا كەتۋ كەرەك, ەللەن سۆاللوۋ ريچاردس جۇمىسقا الىنعالى بەرى متي  1870 جىلدان باستاپ قىزدار مەن جىگىتتەردى بىرگە وقىتاتىن العاشقى وقۋ ورىندارىنىڭ ءبىرى بولىپ سانالادى. ريچاردس بۇل وقۋ ورنىنداعى قورشاعان ورتانى قورعاۋ ماسەلەلەرىنە ماماندانعان العاشقى ايەل-وقىتۋشى بولدى.

بۇگىندە مۇنداعى ستۋدەنتتەردىڭ 40%-ى مەن اسپيرانتتاردىڭ 30%-ى – قىز-كەلىنشەكتەر. ال, 2004 جىلدىڭ تامىزىندا ون التىنشى پرەزيدەنت بولۋعا كانديداتۋراسى بەكىتىلگەن مولەكۋليارلىق نەيروبيولوگ سيۋزان حوكفيلد وسى وقۋ ورنىنىڭ العاشقى ايەل-پرەزيدەنتى اتاندى.

وقۋ ورنى بۇگىندە «Google», «IBM», «Microsoft», «Oracle», «Apple» جانە «Intel», «Boeing» كورپوراتسيالارىندا قىزمەت ەتىپ, الەمدىك دەڭگەيدەگى گارۆارد جانە ستەنفورد ۋنيۆەرسيتەتتەرىندە ءدارىس بەرەتىن ءوزىنىڭ تۇلەكتەرىن ماقتانىش تۇتادى.

متي روبوت تەحنيكاسى مەن جاساندى اقىل-وي, ينجەنەرلىك باعدارلامالار مەن اقپاراتتىق تەحنولوگيالار, ەكونوميكا, حيميا جانە ماتەماتيكا عىلىمدارى بويىنشا, بىلىكتى مامانداردى دايارلاپ شىعارادى.

الەمدىك دەڭگەيدە كەڭىنەن تانىلعان وسىنداي ءبىلىم ورداسىندا ءدارىس الۋ باقىتى وتانداسىمىز – قايرات اشىمگە دە بۇيىردى. قايرات 2013 جىلى 47-ءشى حالىقارالىق مەندەلەەۆ وليمپياداسىندا بيىكتەن كورىنىپ, التىن مەدال­دى يەلەنگەن ەدى. بۇگىندە ول – ەكىنشى كۋرستىڭ ستۋدەنتى. وتانداسىمىز ماسساچۋسەت تەحنو­لوگيا  ينستيتۋتىنىڭ تەحنولوگيالار مەن عىلىمي پاندەر بويىنشا دۇنيە ءجۇزىن­دەگى تاڭداۋلى وقۋ ورنى ەكەندىگىن ايتادى. سون­دىق­تان دا ول ءوز بولاشاعىن وسى ينستيتۋت­پەن بايلانىستىرىپ, ءبىلىم الۋدى كوزدەگەن ەكەن.

– متي يننوۆاتسيالاردىڭ, عىلىم الەمىندەگى تەڭدەسسىز جاڭالىقتار مەن ءتۇرلى تۇشىمدى زەرتتەۋلەردىڭ ورداسىنا اينالدى, – دەپ اڭگىمەلەيدى قايرات. ەكىنشى سەمەستردە ەلەكتر تەحنيكاسى مەن كومپيۋتەرلىك تەحنولوگيالار كۋرسىن تاڭداعانىم ومىرىمدەگى ەستە قالارلىق جار­قىن ساتتەردىڭ ءبىرى بولىپ سانالادى. بۇل كۋرس ءبىز ءۇشىن وتە قىزىقتى بولدى. زەرتحانادا جەتى ساعات بويى جۇمىس جاسادىق. اپتاسىنا تەك ءبىر عانا لەكتسيا وتكىزىلەتىن. زەرتحانالىق جۇمىستار كەزىندە كەز كەلگەن ستۋدەنت روبوتتاردى ءوز بەتتەرىنشە قۇراستىرۋ مۇمكىندىگىنە يە بولدى. بۇل روبوتتىڭ «ميىن» ياعني, باسقارۋ كودىن وزدەرى جازدى. وسىلايشا, ستۋدەنتتەردىڭ قولىنان شىققان قۇلتەمىر شەشىمدى ءوزى قابىلداپ, ءوزىنىڭ ارەكەتىنە باقىلاۋ جاساي الاتىن قابىلەتكە يە بولدى. مىسالى, ول قابىرعانى جاعالاي ءجۇرىپ, كەدەرگىگە تىرەلگەن كەزدە توقتاي الاتىن. ءبىز وعان قۇلشىنا كىرىستىك. ۇجىمدىق كوڭىل-كۇي اۋانى ەسكەن بۇل جەردە ورتاق ماقسات جولىندا تەر توكتىك. ءبىر-بىرىمىزگە كومەكتەستىك, كود جازدىق, ءتۇرلى كەستەلەردى قۇراستىردىق. بۇل جەردەن العان اسەرىمىز ۇشان-تەڭىز. البەتتە, لەكتسيالاردىڭ ءىش پىستىراتىنىن دا ايتپاي كەتۋگە بولماس. بىراق, ءوز بەتىڭمەن جۇمىس جاساۋعا مۇمكىندىك بەرەتىن زەرتحانادا وزىمىزگە قاجەتتى ءبىلىم قورى مەن تاجىريبە جينادىق, – دەيدى ول.

قايرات ءسوز اراسىندا ءوزىنىڭ جوسپارلارىمەن دە ءبولىستى. ول متي-دەگى وقۋىن اياقتاعاسىن مايكروسوفت نەمەسە «Google» سەكىلدى تەح­نولوگيالىق كومپانيادا ەڭبەك ەتىپ, از-ماز تاجىريبە جيناقتاعان سوڭ قازاقستانعا ورالىپ, وسىنداي  كومپانيا قۇرماق.

وسى ۋنيۆەرسيتەتتىڭ تۇلعا بولىپ قالىپ­تاسۋىنا سىڭىرەر ەڭبەگى زور ەكەنىن ايتىپ وتىر.

– مەن شەتەلدە, ونىڭ ۇستىنە تاريحى تەرەڭ, بەدەلى بيىك وسىنداي ۇلكەن ۋنيۆەرسيتەتتە ءبىلىم الۋ ەكىنىڭ بىرىنە بۇيىرا بەرمەيتىن باقىت ەكەنىن اتاپ وتكىم كەلەدى. ال, بولاشاقتا  قازاقستان ءۇشىن, ادامزات بالاسى ءۇشىن پايدالى ىسپەن اينالىسقىم كەلەدى, – دەپ اسقاق ارمانىن بىلدىرگەن.

قازىر قايرات ءاشىم تالاپتىڭ تۇلپارىن ءمىنىپ, بولاشاقتا ءوزىنىڭ وتانى – قازاقستان ءۇشىن تەر توگەتىن سانالى ازامات بولىپ قالىپ­تاسارىنا سەنىمىمىز مول.

ماحاببات تارازي-سادىقوۆا,

نازارباەۆ ۋنيۆەرسيتەتىنىڭ ستۋدەنتى

تاعىدا

admin

«استانا اقشامى» گازەتى

ۇقساس جاڭالىقتار

پىكىر ۇستەۋ

Back to top button