پارلامەنت سەناتىندا «قولجەتىمدى جانە ءتيىمدى دەنساۋلىق ساقتاۋ جۇيەسى» تاقىرىبىنا ارنالعان ۇكىمەت ساعاتى بولدى. وتىرىس پرەزيدەنتتىڭ «ادىلەتتى مەملەكەت. ءبىرتۇتاس ۇلت. بەرەكەلى قوعام» اتتى قازاقستان حالقىنا جولداۋىن ىسكە اسىرۋ اياسىندا ءوتتى.
ۇكىمەت ساعاتى بارىسىندا رەسپۋبليكانىڭ دەنساۋلىق ساقتاۋ ءمينيسترى اجار عينيات جانە «University Medical Center» كورپوراتيۆتىك قورىنىڭ باسقارما توراعاسى يۋري پيا بايانداما جاسادى.
استانا قالاسى ءماسليحاتىنىڭ حاتشىسى ەرلان كاناليموۆ دەنساۋلىق ساقتاۋ سالاسىنداعى نەگىزگى پروبلەمالاردى تالدادى.
– بيىلعى جىلدىڭ 1 قاراشاسىنداعى جاعداي بويىنشا استانا تۇرعىندارىنىڭ سانى 101 مىڭ ادامعا ءوستى, ەلوردالىق ەمحانالاردا كۇن سايىن 20 مىڭنان استام ادامعا قىزمەت كورسەتىلەدى. ەلورداداعى باستى ماسەلەلەردىڭ ءبىرى – حالىققا جەدەل كومەك كورسەتۋدىڭ مۇمكىندىگى, ياعني قولجەتىمدى بولۋى جانە ادام سانىنىڭ كوبەيۋىمەن بىرگە مەديتسينا پەرسونالدارىنا تۇسەتىن جۇكتەمەنىڭ شامادان تىس ارتىپ كەتۋى دەۋگە بولادى, شامادان تىس جۇكتەمە 150 پايىزدى قۇرايدى, – دەدى حالىق قالاۋلىسى.
شىنىندا, استانا قالاسىندا الەۋمەتتىك ينفراقۇرىلىمنىڭ دامۋى تالاپقا ساي دەي المايمىز. باس قالادا دەموگرافيالىق كورسەتكىش جوعارى, ونىڭ ۇستىنە, ىشكى ميگراتسيانىڭ اسەرىنەن حالىق سانى بىرنەشە ەسەگە ءوستى. مۇنىڭ ءبارى الەۋمەتتىك ماسەلەلەردى شۇعىل شەشۋ كەرەكتىگىن كورسەتىپ وتىر.
– جالاقى, سالىقتار مەن ءدارى-دارمەكتەر ۇيىمنىڭ جالپى شىعىنىنىڭ 90 پايىزىن قۇرايدى, بۇل مەديتسينالىق ۇيىمداردىڭ قارجىلىق تۇراقتىلىعىنىڭ جەتكىلىكسىزدىگىن كورسەتەدى. ەلوردادا ەمحانالار مەن اۋرۋحانالار سالۋ جەكە ينۆەستورلار ءۇشىن تارتىمدى ەمەس. موتيۆاتسيانىڭ قاراپايىم جانە قولجەتىمدى قۇرالدارى بولۋى كەرەك, مىسالى, ينۆەستيتسيالىق شىعىنداردى ءىشىنارا جابۋ. كەيبىر مساك ۇيىمدارىندا سوبمب شەڭبەرىندە دە, ءمامس شەڭبەرىندە دە جاسالعان كەلىسىمدەر بويىنشا قاراجات ءىس جۇزىندە جوق ەكەندىگىنە قاراماستان, كونسۋلتاتيۆتىك-دياگنوستيكالىق قىزمەتتەردى جەتكىلىكسىز قارجىلاندىرۋ ماسەلەسىن كوتەردىم. بۇل ءدارى-دارمەك پەن قىزمەتتەر ءۇشىن جانە سالىق تولەمدەرى بويىنشا قارىزدىڭ جوعارى تاۋەكەلىنە اكەلەدى, – دەدى ەرلان قاناليموۆ.
