قالا تىرشىلىگى

مەكتەپتەر كوبەيىپ كەلەدى

بيىل استانادا 3500 ورىندىق ءۇش مەكتەپتىڭ قۇرىلىسىن اياقتاۋ جوسپارلانعان. اتاپ ايتقاندا, جەلەزنودوروجنىي كەنتىندەگى 1100 ورىندىق مەكتەپ, №19 كوشەنىڭ بويىنداعى 1200 ورىندىق جانە «باتىعاي» تۇرعىن ءۇي كەشەنىندە جوبالانعان 1200 ورىندىق مەكتەپتەر پايدالانۋعا بەرىلەدى. 

سونىمەن قاتار, 6 000 ورىندىق جاڭا بەس مەكتەپتىڭ قۇرىلىسى باستالدى. مەكتەپتەردىڭ ءبىرى №41 كوشە مەن ميرزويان كوشەسىنىڭ قيىلىسىندا, ەكىنشىسى №50 كوشە مەن ش.قالداياقوۆ كوشەلەرىنىڭ قيىلىسىندا ورنالاسقان. تاعى ءبىر جاڭا ءبىلىم وشاعى جۇماباەۆ كوشەسىنىڭ شىعىسىنا قاراي, سارايشىق كوشەسىمەن قيىلىسقان تۇستا بوي كوتەرەدى. تۇركىستان, كەرەي, جانىبەك حاندار جانە ورىنبور كوشەلەرىنىڭ ورامىندا, سونداي-اق, ورىنبور, ەڭبەكشىلەر جانە كەرەي, جانىبەك حاندار كوشەلەرىنىڭ قيىلىسىندا دا ءبىلىم وردالارى سالىنادى. بۇگىنگى تاڭدا قالاداعى سەكسەن ەكى مەكتەپ نىسانىندا 86 663 بالا ءبىلىم الادى. ولاردىڭ جەتپىسى – مەملەكەتتىك, ون ەكىسى – جەكەمەنشىك مەكتەپتەر. استانادا مەملەكەتتىك تىلدە ءبىلىم بەرەتىن جيىرما ءتورت مەكتەپتە 29 523 بالا وقيدى. ورىس تىلىندە وقىتاتىن ون مەكتەپتە 9 067 وقۋشى ءبىلىم السا, وتىز التى ارالاس مەكتەپتە 44 978 وقۋشى بار.

ەركەجان ساتىمبەك

تاعىدا

ۇقساس جاڭالىقتار

پىكىر ۇستەۋ

Back to top button