التاي كولگىنوۆ قالاداعى بىرقاتار مەكتەپتىڭ قۇرىلىس بارىسىمەن تانىستى. قالا باسشىسى ت.رىسقۇلوۆ – ق.قايسەنوۆ كوشەلەرىنىڭ, ۇلى دالا داڭعىلى مەن ساۋران كوشەسى, سول سياقتى ر.قوشقارباەۆ, ۇلى دالا داڭعىلى جانە №39 كوشەلەرىنىڭ قيىلىستارىندا سالىنىپ جاتقان وقۋ ورىندارىنا باردى.
اكىمنىڭ ايتۋىنشا, بيىلعى وقۋ جىلىندا تاعى 9 وقۋ ورنىنىڭ قۇرىلىسىن اياقتاۋ جوسپارلانىپ وتىر. ولاردىڭ ءبىر بولىگى ءۇشىنشى توقساننان باستاپ جۇمىس ىستەيدى. وسىعان دەيىن 36 مەكتەپ سالىنىپ, پايدالانۋعا بەرىلگەن.
«ماسەلەن ت.رىسقۇلوۆ پەن ق.قايسەنوۆ كوشەلەرىنىڭ قيىلىسىندا ورنالاسقان مەكتەپ ەكى اۋىسىمدا 4 مىڭ وقۋشى ورنىنا ەسەپتەلگەن. بۇل – ۇلكەن مەكتەپ. قازىر وندا سوڭعى جۇمىس ءجۇرىپ جاتىر. بۇگىنگە دەيىن وسىعان ۇقساس بەس ۇلكەن مەكتەپ اشتىق. وسى بەس مەكتەپتىڭ ەسەبىنەن 20 مىڭ وقۋشى ورنى قۇرىلدى.
ۇلى دالا داڭعىلى مەن ساۋران كوشەسىندە ورنالاسقان مەكتەپ ەكى اۋىسىمدا 2400 ورىنعا, ۇلى دالا داڭعىلى مەن №39 كوشەنىڭ قيىلىسىنداعى مەكتەپ 2400 ورىنعا ەسەپتەلگەن. ت.رىسقۇلوۆ كوشەسىندەگى وقۋ ورنىنىڭ قۇرىلىسى جەكە ينۆەستيتسيالار ەسەبىنەن ءجۇرىپ جاتىر, وندا بالاباقشا دا بولادى» دەگەن اكىم قۇرىلىس قارقىنىن ارتتىرۋدى جانە قۇرىلىس جۇمىسىنىڭ ساپاسىنا ءتيىستى كوڭىل ءبولۋدى تاپسىردى.
التاي كولگىنوۆتىڭ سوزىنشە, مەكتەپ سالۋ ءۇشىن 158 جەر ۋچاسكەسى انىقتالدى. جەر ۋچاسكەلەرى الەۋمەتتىك نىسانداردىڭ قاجەتتىلىكتەرىن ەسكەرە وتىرىپ, قالانىڭ بارلىق اۋدانىندا ورنالاسقان. ەگجەي-تەگجەيلى جوسپارلاۋ جوباسىنا (ەتجج) ءار اۋداندا (شاعىن اۋدانداردا) وقۋ ورىندارى بولۋى جونىندە ارنايى باعىت بەكىتىلدى.
