ەل تىنىسى

مەكتەپتەردە بۋللينگكە قارسى باعدارلاما ىسكە قوسىلادى

ەلوردادا وقۋشىلاردى كاسىبي پسيحولوگيالىق كومەكپەن قامتاماسىز ەتۋ جانە وقۋ ورىندارىندا بۋللينگتىڭ الدىن الۋ بويىنشا بەلسەندى جۇمىس جۇرگىزىلۋدە, دەپ حابارلايدى astana-akshamy.kz

ەلوردانىڭ بەس اۋدانىندا وقۋشىلارعا, اتا-انالارعا تەگىن پسيحولوگيالىق-كونسۋلتاتسيالىق كومەك كورسەتۋ كابينەتتەرى قۇرىلدى (قالانىڭ ادىستەمەلىك ورتالىعى, «ۇستازدار ءۇيى», №22 شگ, №54 مل, №88 مل بازاسىندا).

2024 جىلدىڭ باسىنان بەرى وندا 142 بالا مەن 156 اتا-اناعا (2023 جىلى 264 بالا مەن 254 اتا-انا) كونسۋلتاتسيالار وتكىزىلدى.

ەندى ەلوردادا قالالىق پسيحولوگيالىق قولداۋ ورتالىعىن اشۋ جوسپارلانۋدا. ورتالىق بازاسىندا دياگنوستيكالىق, تۇزەتۋ-دامىتۋ, كونسۋلتاتسيالىق, پسيحوپروفيلاكتيكالىق قىزمەتتەر جۇزەگە اسىرىلاتىن بولادى.

ەلوردانىڭ مەكتەپتەرى مەن كوللەدجدەرىندە پسيحولوگپەن تىكەلەي بايلانىسۋعا جانە كونسۋلتاتسيالىق كومەك الۋعا مۇمكىندىك بەرەتىن QR-كودتارى بار اقپاراتتىق تاقتايشالار ورنالاستىرىلعان. بالالار مەن ولاردىڭ اتا-انالارى سۇراقتارعا جاۋاپ الا الادى, سونىمەن قاتار وقۋشىلار اراسىندا تۋىنداعان ماسەلەلەر بويىنشا شارالار قولدانا الادى.

بيىل ءبىلىم بەرۋ ۇيىمدارىندا بۋللينگكە قارسى باعدارلامانى ىسكە اسىرۋ جوسپارلانۋدا.

ول ءۇشىن پيلوتتىق جوباعا 5 مەكتەپ (الماتى اۋدانىنىڭ № 72 مەكتەبى, بايقوڭىر اۋدانىنىڭ №16 مەكتەبى, نۇرا اۋدانىنىڭ №79 مەكتەبى, ەسىل اۋدانىنىڭ №24 مەكتەبى, سارىارقا اۋدانىنىڭ №6 مەكتەبى) ەنگىزىلدى.

وسى باعدارلاما شەڭبەرىندە قورقىتۋدىڭ الدىن الۋ جانە ازايتۋ (ساباقتار, تاقىرىپتىق كەزەكشىلىكتەر, بىرلەسكەن وقۋلار وتكىزۋ), بۋللينگتىڭ انىقتالعان جاعدايلارىن شەشۋ بويىنشا ءىس-شارالار وتكىزىلەتىن بولادى. سونداي-اق مۇعالىمدەردى وقۋشىلاردىڭ مازاسىزدىق دارەجەسىن انىقتاۋ داعدىلارىنا وقىتۋ جوسپارلانۋدا.

تاعىدا

admin

«استانا اقشامى» گازەتى

ۇقساس جاڭالىقتار

Back to top button