ەلىمىزدە «جۇرەك جىلۋى» قايىرىمدىلىق اكتسياسى ءوتىپ جاتىر. شارا اياسىندا استانا اكىمى جەڭىس قاسىمبەك ەلوردالىق گۇلجاحان سىدىقوۆامەن كەزدەسىپ, مەملەكەت باسشىسىنىڭ اتىنان سىيلىق تابىستادى.
وسىعان دەيىن مەملەكەت باسشىسى اكتسياعا قاتىسۋشىلارمەن كەزدەسىپ, ساندىقشادان حاتتاردىڭ ءبىرىن تاڭداعان بولاتىن. وتىنىشتە استانا تۇرعىنى گۇلجاحان سىدىقوۆانىڭ تونومەتر سۇراعانى تۋرالى جازىلعان.
استانا اكىمى جەڭىس قاسىمبەك ەلوردالىق گۇلجاحان سىدىقوۆامەن كەزدەسىپ, مەملەكەت باسشىسىنىڭ اتىنان تونومەتردى تابىستادى. سونداي-اق وعان ماتەريالدىق كومەك كورسەتىلىپ, ساناتوريگە جولداما بەرىلەدى.
گۇلجاحان سىدىقوۆا پرەزيدەنت پەن «جۇرەك جىلۋى» قايىرىمدىلىق اكتسياسىنا قاتىسۋشىلارعا العىسىن ءبىلدىردى.
«جۇرەك جىلۋى» قايىرىمدىلىق اكتسياسى اياسىندا ەرىكتىلەر مەن بەلسەندى ازاماتتار حالىقتىڭ الەۋمەتتىك از قامتىلعان توپتارىنا: كوپبالالى وتباسىلاردىڭ, ەرەكشە قاجەتتىلىكتەرى بار جانداردىڭ, زەينەتكەرلەردىڭ جانە ت. ب. ءوتىنىشى مەن تىلەگىن ورىنداۋعا كومەكتەسۋدە.
