قر مەملەكەتتىك قىزمەت ىستەرى اگەنتتىگى استانا قالاسى بويىنشا دەپارتامەنتىنىڭ ۇيىمداستىرۋىمەن «جاس مەملەكەتتىك قىزمەتشىلەر مەكتەبى» جوباسىنىڭ كەزەكتى ماۋسىمىنىڭ اشىلۋ سالتاناتى ءوتتى.
قر مەملەكەتتىك قىزمەت ىستەرى اگەنتتىگى استانا قالاسى بويىنشا دەپارتامەنتىنىڭ باسشىسى ءالي كومەكباەۆتىڭ ايتۋىنشا, «جاس مەملەكەتتىك قىزمەتشىلەر مەكتەبى» جوباسى دارىندى دا بەلسەندى جاستاردى مەملەكەتتىك قىزمەتتە جۇمىس ىستەۋگە تارتۋ, ولاردىڭ كاسىبي شەبەرلىگىن, بىلىكتىلىگىن, شىعارماشىلىق قابىلەتىن شىڭداي وتىرىپ, مەملەكەتتىك قىزمەتتىڭ وڭ ءيميدجىن كوتەرۋگە باعىتتالعان.
– «بولاشاق» باعدارلاماسىمەن جانە جاستار كادرلىق رەزەرۆىمەن قاتار, ەلىمىزدىڭ وسكەلەڭ ۇرپاعى «جاس مەملەكەتتىك قىزمەتشىلەر مەكتەبىندە» ءبىلىم الۋعا مۇمكىندىگى بار. مۇندا سوڭعى كۋرس ستۋدەنتتەرى مەن جوعارى وقۋ ورىندارىنىڭ تۇلەكتەرى ءبىلىم الۋدا. ولارعا مەملەكەتتىك ورگانداردا جۇمىس ىستەۋ نەگىزدەرى ۇيرەتىلەدى. «جاس مەملەكەتتىك قىزمەتشىلەر مەكتەبىندە» بالالار ءبىر اپتا بويى مەملەكەتتىك باسقارۋ, سونداي-اق تەستىلەۋ ورتالىعىنىڭ وكىلدەرىمەن كەزدەسىپ, تەوريادان وتەدى. وسىدان كەيىن تۇلەكتەر تىكەلەي جۇمىس ورنىندا – ەلوردانىڭ مەملەكەتتىك ورگاندارىندا تاعىلىمدامادان وتەدى, – دەدى ءا.كومەكباەۆ.
بۇل جوبا بەس كەزەڭنەن تۇرادى. الدىمەن ءوتىنىش تاپسىرۋ, ىرىكتەۋ كەزەڭى, بىلىكتى مامانداردان ءدارىس الۋ, مەملەكەتتىك مەكەمەلەردە تاجىريبەدەن ءوتۋ جانە سەرتيفيكات تابىستاۋ. ىرىكتەۋگە بارلىعى 63 ستۋدەنت قاتىستى, سودان كەيىن 39 ادام وقۋعا جىبەرىلدى.
– 2022 جىلدىڭ قىركۇيەك ايىندا «جاس مەملەكەتتىك قىزمەتشىلەر مەكتەبى» جوباسىنىڭ كەزەكتى ماۋسىمىنا قابىلداۋ اشىلىپ, 1-15 جەلتوقسان ارالىعىندا ءوتىنىش قابىلداۋ جۇمىستارى جۇرگىزىلدى. ناتيجەسىندە جوباعا قاتىسۋعا 63 جاس ازاماتتان ءوتىنىش ءتۇستى. ولاردىڭ ىشىندە ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى, م.نارىكباەۆ اتىنداعى قازگزۋ جانە س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ قۇقىقتانۋ, مەملەكەتتىك باسقارۋ, الەۋمەتتانۋ, جەر قاتىناستارى, مەملەكەتتىك اۋديت, جۋرناليستيكا, قارجى جانە ەكونوميكا, ت. ب. ماماندىق بويىنشا ءبىلىم الىپ جۇرگەن ستۋدەنتتەر بار, – دەدى دەپارتامەنت باسشىسى.
10 قاڭتار كۇنى ءوتىنىش بىلدىرۋشىلەرمەن ونلاين فورماتتا ZOOM پلاتفورماسى ارقىلى ىرىكتەۋ كەزەڭى وتكىزىلىپ, جوباعا 39 قاتىسۋشى قابىلداندى.
مەرۋەرت ءجۇمادىلوۆا – «جاس مەملەكەتتىك قىزمەتشىلەر مەكتەبى» وقۋشىلارىنىڭ ءبىرى. ول بولاشاقتا مەملەكەتتىك قىزمەتشى بولۋدى جوسپارلاپ وتىر. بۇگىندە استانا قالاسىنداعى ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ 4-كۋرسىندا وقىپ جۇرگەن ستۋدەنت «جاس مەملەكەتتىك قىزمەتشىلەر مەكتەبىنە» ۋنيۆەرسيتەت تابالدىرىعىن اتتاعان جىلى-اق كەلىپ, باق سىناعان بولاتىن.
– بولاشاقتا تەك مەملەكەتتىك قىزمەتتە جۇمىس ىستەگىم كەلەدى. «جاس مەملەكەتتىك قىزمەتشىلەر مەكتەبى» تۋرالى ۋنيۆەرسيتەتتە ءىلىنىپ تۇرعان حابارلاندىرۋدان وقىپ ءبىلدىم. قازىرگى ۋاقىتتا ءبىز, نەگىزىنەن, وسى سالادا تاجىريبەسى جوق جاستار ءۇشىن مەملەكەتتىك قىزمەت دەگەن نە ەكەنىن قاراستىرامىز. بۇل مەكتەپ – جاس ۇرپاققا مەملەكەتتىك قىزمەت دەگەن اسپاننان سالبىراپ تۇسكەن سانادان تىس نارسە ەمەس, قاراپايىم حالىقپەن, ناقتى ادامدارمەن جۇمىس ەكەنىن كورسەتۋدىڭ نەگىزگى يدەياسى. وسىندا ءجۇرىپ ءبىز مەملەكەتتىك قىزمەتتىڭ قىر-سىرىن ۇيرەنۋمەن بىرگە بۇل ءىستى كەز كەلگەن ادام ءوز قالاۋى بويىنشا اتقارا الاتىنىن ۇعىنامىز, – دەدى ستۋدەنت.
مەرۋەرت ءجۇمادىلوۆا جۇمىسقا ورنالاساتىن كەزدە جوعارى ءبىلىم تۋرالى ديپلومعا «جاس مەملەكەتتىك قىزمەتشى مەكتەبىن» بىتىرگەنى تۋرالى سەرتيفيكاتتى قوسا بەرەدى.
– جاقىن ارادا بۇل سەرتيفيكات مەملەكەتتىك قىزمەتكە تەست تاپسىرۋ تۋرالى قۇجاتقا تەڭەستىرىلەدى دەپ ۇمىتتەنەمىن. ويتكەنى تەوريالىق بىلىمنەن باسقا, ءبىز ولاردى تاجىريبەدە بەكىتۋگە مۇمكىندىگىمىز بار, – دەدى ستۋدەنت.
جالپى جاستار ءۇشىن بۇل جوبانىڭ بەرەرى مول. ماسەلەن, جوعارى وقۋ ورنىندا وقىپ جۇرگەن كەيبىر ستۋدەنتتەر وسى جوبانىڭ ارقاسىندا مەملەكەتتىك قىزمەت سالاسىنا قاتىستى پايدالى اقپاراتتاردى ءبىلىپ, قىزمەتتىڭ جاۋاپكەرشىلىك جۇگىن سەزىنە الادى.
سونىمەن قاتار قر پرەزيدەنتى جانىنداعى مەملەكەتتىك باسقارۋ اكادەمياسىندا العاش مەملەكەتتىك قىزمەتكە ورنالاسۋشىلارعا ارنالعان جۇمىسى جۇرگىزىلەدى. بۇدان بولەك, قاتىسۋشىلار مەملەكەتتىك قىزمەتتىڭ پەرسونالىن باسقارۋ ۇلتتىق ورتالىعىنا بارىپ تەستىلەۋ ءوتۋدىڭ ءتارتىبى جانە ەرەجەلەرىمەن تانىسادى. وقىتۋ اياقتالعاننان كەيىن, قاتىسۋشىلاردى ماماندىقتارىنا بايلانىستى استانا قالاسىنىڭ مەملەكەتتىك مەكەمەلەرىنە تاجىريبەدەن وتۋگە جىبەرەدى.
بۇگىندە بۇل جوبانى اياقتاعان قاتىسۋشىلارعا الداعى ۋاقىتتا مەملەكەتتىك قىزمەتكە ورنالاسۋ جاعىنان ءبىرشاما جەڭىلدىك قاراستىرىلۋى بويىنشا ادىستەمەلىك جوسپار جاسالۋدا.
– جوبا قاتىسۋشىلارىنان بولاشاقتا جاۋاپكەرشىلىگى جوعارى, مەملەكەتتىك قىزمەتتەگى ءوز جۇمىسىن ادال جانە لايىقتى ورىنداپ, ەل الدىنداعى ازاماتتىق بورىشى مەن حالىقتىڭ سەنىمىن اقتاي الاتىن تاجىريبەلى ماماندار شىعادى دەپ كۇتەمىز. ەلىمىزدىڭ بولاشاعى وسىنداي جاستاردىڭ قولىندا. جاستارعا تەك ءبىلىم بەرۋ عانا ەمەس, بويىنا رۋحاني قۇندىلىقتاردى دارىتا ءبىلۋ – باستى مىندەت, – دەدى ءا.كومەكباەۆ.
