استانا قالاسى ەسىل اۋدانىنىڭ اكىمدىگىندە مەملەكەتتىك قىزمەتكەرلەر كۇنىنە ارنالعان جيىن ءوتتى. وندا اۋدان اكىمى ءسابيلا مۇستافينا وسى سالادا ەڭبەك ەتىپ جۇرگەن مامانداردى ايتۋلى كۇنمەن قۇتتىقتاپ, ىزگى لەبىزىن ءبىلدىردى.
– بۇۇ باس اسسامبلەياسىنىڭ 2002 جىلعى 57-سەسسياسىنىڭ شەشىمىمەن 23 ماۋسىم «مەملەكەتتىك قىزمەتكەرلەر كۇنى» بولىپ بەكىتىلدى. ءبىزدىڭ ەلىمىزدە ەلباسىنىڭ 2013 جىلعى «قازاقستانداعى كاسiپتiك جانە وزگە دە مەرەكەلەر تۋرالى» بۇيرىعىنا وراي اتالعان مەرەكە رەسمي مانگە يە بولدى. بۇگىنگى تاڭدا مەملەكەتتىك قىزمەتكەرلەرگە جۇكتەلىپ وتىرعان مىندەت سالماقتى. وسى سالادا ەڭبەك ەتىپ جۇرگەن كەز كەلگەن مامان جاڭا تۇجىرىمدامالارعا سايكەس ۋاقىت تالابىنا ساي جۇمىس ىستەپ, حالىقتىڭ سەنىمىنەن شىعاتىن جاۋاپكەرشىلىگى مول تۇلعاعا اينالۋى قاجەت. ءبىزدىڭ اۋدان اكىمى اپپاراتىندا 30-دىڭ ۇستىندە مەملەكەتتىك قىزمەتكەر ەڭبەك ەتەدى. ولاردىڭ دەنى – بولاشاعىنان كوپ ءۇمىت كۇتتىرەتىن
جاستار. سوندىقتان, بارلىقتارىڭىزدى مەرەكەلەرىڭىزبەن قۇتتىقتايمىن!, – دەپ ءسوزىن ساباقتادى ءسابيلا ساپارقىزى.
سالتاناتتى شارا اياسىندا اۋدان باسشىسى وسى سالادا ءوز ەڭبەگىمەن ەرەكشە كوزگە تۇسكەن قىزمەتكەرلەردى العىس حاتپەن ماراپاتتادى. سونداي-اق, جۇمىسقا جاڭا قابىلدانعان ەكى جاس مامان انت قابىلدادى.
ازامات ەسەنجول
