بۇگىن بەيبىتشىلىك جانە كەلىسىم سارايىندا «مەرەيلى وتباسى – 2016» ۇلتتىق بايقاۋىنىڭ قالالىق كەزەڭىنىڭ جەڭىمپازدارىن ماراپاتتاۋ سالتاناتى ءوتتى. كونكۋرسقا قاتىسىپ, 94 شاڭىراقتىڭ اراسىندا توپ جارعان سالىقوۆتار مەن قابىلباەۆتار وتباسىلارىنا استانا قالاسى اكىمىنىڭ ورىنباسارى ەرمەك امانشاەۆ باس جۇلدە – «وقجەتپەس» شيپاجايىندا دەمالۋعا مۇمكىندىك بەرەتىن سەرتيفيكاتتى تاپسىردى.
– ەلوردامىزدىڭ بۇگىنگى تىنىس-تىرشىلىگى, كوڭىل-كۇيى, ءومىر ءسۇرۋ ءۇردىسى باس قالاداعى وتباسىلاردىڭ كۇندەلىكتى ومىرىمەن بىتە قايناسىپ, جىمداسىپ كەتكەن. بۇگىنگى كەشتە استانادا ونەرلى دە ونەگەلى وتباسىلار مول ەكەنىن تاعى كوز جەتكىزدىك. جەڭىمپازداردى وسى جەڭىستەرىمەن شىن جۇرەكتەن قۇتتىقتايمىن. جەڭىستەرىڭ جەڭىستەرگە ۇلاسا بەرسىن, – دەدى ە.امانشاەۆ.
انشىلەر جۇبى مەدەت سالىقوۆ پەن كلارا تولەنباەۆا ءۇش بالا تاربيەلەپ وتىر. كەيىنگى جىلدارى قىزدارى اققەربەز بەن ايگەرىمدى ءان ونەرىنە باۋلىپ, ساحناعا الىپ شىعىپ جۇرگەن ولاردى كوپشىلىك ونەرلى وتباسى رەتىندە تانيدى.
قابىلباەۆتار وتباسى بوتەن ون بالانى باۋىرىنا باستى. ءتورت-بەس ۇلتتان شىققان ولاردىڭ ءبارىن ءوز بالالارىنداي ءوسىرىپ وتىر. وتباسىنىڭ ۇيىتقىسى, سول بالدىرعانداردىڭ اجەسى ايبات شولاقوۆانىڭ ءوزى بالۋان شولاقتىڭ نەمەرەسى.
ەكىنشى ورىندى تابارينوۆتەر مەن شارعىنوۆتار وتباسى الدى.
ءۇشىنشى ورىن سارقىتباەۆتار مەن ماحمەتوۆتەر وتباسىلارىنا بۇيىردى. ولارعا دا 200 مىڭ جانە 100 مىڭ تەڭگەلىك سەرتيفيكاتتار تابىستالدى. شارا سوڭى ەسترادا جۇلدىزدارىنىڭ كونتسەرتىمەن جالعاستى.
امانعالي قالجانوۆ
