استانالىق پوليتسيا قىزمەتكەرلەرى تەكسەرۋ بەكەتىندە قالاعا كىرىپ كەلە جاتقان جولاۋشىنىڭ كولىگىنەن اڭشى مىلتىعىن تاركىلەدى.
15 قاراشا كۇنى پوليتسيا قىزمەتكەرلەرى قاراعاندى تاس جولى بويىنداعى بەكەتتە قۇجات تەكسەرۋ ماقساتىندا «مەرسەدەس» ماركالى اۆتوكولىكتى توقتاتقان ەدى.
تەكسەرۋ بارىسىندا كولىك سالونىنان 16 كاليبرلى اڭشى مىلتىعىنىڭ بولشەكتەرىن جانە جولاۋشىلاردىڭ بىرىنەن 5 وق تاپقان. ونىڭ ۇستىنە كولىكتىڭ مەملەكەتتىك تىركەۋ ءنومىرى دە جالعان ەكەن.
سونىمەن قاتار, ۇستالعان ازاماتتىڭ بۇرىن قىلمىستىق ىسكە قاتىسى بولعاندىعى دا انىقتالعان. ول بۇزاقىلىعى مەن سۋىق قارۋ ساقتاعانى ءۇشىن ءىستى بولعان ەكەن.
قازىرگى ۋاقىتتا ول ۋاقىتشا قاماۋ يزولياتورىندا تەرگەلىپ جاتىر.
