باستى اقپارات

ميلاندا قازاقستان پاۆيلونى ىقىلاس تۋدىردى

09-209

«حالىقارالىق «Expo Milano – 2015» كورمەسىندە قازاقستان رەسپۋبليكاسىنىڭ ۇلتتىق كۇنى ءوتتى. سالتاناتتى ءىس-شارا يتاليا مەن قازاقستاننىڭ مەملەكەتتىك انۇراندارىمەن باستالىپ, كەيىن قازاقستان رەسپۋبليكاسى جالاۋىن كوتەرۋ راسىمىنە جالعاستى.

سالتاناتتى ەلىمىزدىڭ پرەزيدەنتى نۇرسۇلتان نازارباەۆ اشتى.

«حالىقارالىق «Expo Milano – 2015» كورمەسىندەگى قازاقستان ۇلتتىق كۇنىنىڭ اشىلۋىندا سىزدەرمەن كەزدەسىپ وتىرعانىما قۋانىشتىمىن. يتاليا رەسپۋبليكاسىنىڭ باسشىلىعىنا, يتاليا تاراپىنان كومەك كورسەتكەن بارلىق سەرىكتەستەرگە وسىنداي كەرەمەت ءىس-شارانى ۇيىمداستىرعانى ءۇشىن العىسىمدى بىلدىرەمىن!» دەدى ول كورمەگە قاتىسۋشى ءجۇز قىرىق جەتى ەل وكىلىنىڭ الدىندا سويلەگەن سوزىندە.

سونداي-اق, «استانا ەكسپو-2017» ۇك» اق باسقارما توراعاسى ءا.جاقسىبەكوۆ پەن قازاقستان رەسپۋبليكاسىنىڭ «Expo Milano – 2015» كورمەسى سەكتسياسىنىڭ باس كوميسسارى ءا.مۋسين قازاقستان پرەزيدەنتى نۇرسۇلتان نازارباەۆقا جانە يتاليا پرەمەر-ءمينيسترى ماتتەو رەنتسيگە ۇلتتىق پاۆيلوندى تانىستىردى. ەل كوشباسشىلارى ۇسىنىلعان ەكسپوزيتسيالاردى قاراپ شىعىپ, «قۇرمەتتى قوناقتار» كىتابىنا قولتاڭبالارىن قالدىردى.

 – قازاقستان پاۆيلونىنا «Expo Milano – 2015» كورمەسىنە كەلۋشىلەر الابوتەن قىزىعۋشىلىق تانىتۋدا. مۇندا كۇن سايىن ءبىزدىڭ ەلدىڭ مادەنيەتىمەن جانە تاريحىمەن ەتەنە تانىسقىسى كەلەتىندەر ۇزىننان شۇباق كەزەككە تۇرادى. استاناداعى حالىقارالىق «ەكسپو-2017» كورمەسى تۋرا وسىنداي ۇلكەن ىقىلاسقا يە بولاتىنىنا, ءبىز دە قوناقتارىمىزدى لايىقتى دەڭگەيدە كۇتىپ الا الاتىنىمىزعا سەنىمدىمىز, – دەدى ەلباسىنا ءا.جاقسىبەكوۆ.

 «Expo Milano – 2015» كورمەسىندەگى قازاقستاننىڭ ۇلتتىق كۇنى ەلىمىزدىڭ ەسترادا انشىلەرىنىڭ قاتىسۋىمەن وتكەن مەرەكەلىك كونتسەرتكە ۇلاستى.

 ساعي ورال

تاعىدا

ۇقساس جاڭالىقتار

پىكىر ۇستەۋ

Back to top button