بيىلعى جىلدىڭ ءساۋىر ايىنداعى جاعداي بويىنشا, استانادا جالپى قۇنى 88,6 ميلليارد تەڭگە بولاتىن مۇلىكتى زاڭداستىرۋعا 6655 ءوتىنىش كەلىپ تۇسكەن.
ونىڭ جارتىسىنا جۋىعى الماتى اۋدانىنىڭ مەنشىگىندە. مۇندا جالپى قۇنى 49,7 ميلليارد تەڭگەگە باعالانعان مۇلىكتىڭ 27,8 ميلليارد تەڭگەسى – تۇرعىن ءۇي نىساندارىنا, 21,4 ميلليارد تەڭگەسى – تۇرعىن ۇيگە جاتپايتىن نىساندارعا, 13,8 ميلليارد تەڭگەسى – كوممەرتسيالىق نىساندارعا, قالعانى – زاڭدى تۇلعالاردىڭ ۇلەسىندەگى ءمۇلىككە تيەسىلى.
ەسىل اۋدانى تۇرعىندارىنان 1089 ءوتىنىش تۇسكەن. ونىڭ جالپى قۇنى 24,3 ميلليارد تەڭگەگە باعالانعان. بۇل قارجىنىڭ 17 ميلليارد تەڭگەدەن اسا بولىگى – تۇرعىن ءۇي نىساندارىنا, 7 ميلليارد تەڭگەسى – تۇرعىن ءۇي بولىپ سانالمايتىن نىساندارعا, قالعانى كوممەرتسيالىق جىلجىمايتىن مۇلىككە جاتادى.
ال سارىارقا اۋدانىنان ەسەپكە الىنعان وتىنىشتەر سانى – 2437. زاڭداستىرىلۋعا ۇسىنىلعان نىسانداردىڭ جالپى قۇنى 14,7 ميلليارد تەڭگەگە جۋىقتايدى. ونىڭ 8,5 ميلليارد تەڭگەسى – تۇرعىن ءۇي نىساندارى, 6,2 ميلليارد تەڭگەسى – باسقا نىساندار. ال كوممەرتسيالىق نىسانداردىڭ قۇنى 5,3 ميلليارد تەڭگەنى قۇرايدى.
بۇگىندە ارنايى كوميسسيا تىركەلگەن وتىنىشتەردىڭ 2767-ءسىن ماقۇلداعان. سونىڭ ناتيجەسىندە جالپى قۇنى 28,9 ميلليارد تەڭگە بولاتىن 6017 نىسان زاڭداستىرىلعان.
سونداي-اق, اكتسيا باستالعان ۋاقىتتان بەرى قالاداعى مەملەكەتتىك كىرىستەر ورگاندارىنا اقشالاي قارجىنى جەكەشەلەندىرۋ بويىنشا 126 ارنايى دەكلاراتسيا ۇسىنىلدى. ونىڭ جالپى قۇنى – 223,9 ميلليارد تەڭگە. ال, زاڭداستىرىلعان قۇندى قاعازداردىڭ قۇنى 8110 مىڭ تەڭگەنى قۇرايدى.
