مادەنيەت

مۋزارت LIVE ءداستۇردىڭ جارقىن جالعاسى

اقيىق اقىن مۇقاعالي ماقاتاەۆتىڭ سوزىنە جازىلعان «سەنىڭ كوزىڭ» انىمەن ساحناعا ءاۋ باستا-اق جارقىراپ شىققان «مۋزارت» توبىنا بيىل 15 جىل تولىپ وتىر. بۇگىندە وزگە مۋزىكالىق ۇجىمدارعا قاراعاندا «مۋزارتتى» كارى دە, جاس تا ەرەكشە قۇرمەت تۇتادى. توپتىڭ مەرەيتويىنا وراي جاقىندا «مۋزارت Live» مەگا-جوباسى تۇساۋىن كەستى. انىقتاپ ايتساق, ۇجىم ەل اراسىنان ءوز ءىزباسارلارىن ىزدەۋگە كىرىسىپ كەتتى. جارىستىڭ ىرىكتەۋ كەزەڭى استانادا باستالدى.

مۋزارت

ۇلتتىق رۋحتى ۇلىقتايتىن جوبا
«بايقاۋدى رەاليتي-شوۋ تۇرىندە وتكىزەمىز. ءبىز تەك ۆو­كالدىق دارىنى بار جاستاردى ەمەس, بارلىق جاعىنان تالانتتى ازاماتتاردى تاڭدايمىز. قازىرگى شاقتاعى مادەنيەتتىڭ, ونەردىڭ پارقىن تۇسىنەتىن, كوشباسشىلىق قاسيەتتى قالىپتاستىرعان ادام­داردى ىرىكتەيمىز» دەيدى تانىمال سازگەر, مۋزىكانت, جوبا­نىڭ پروديۋسەرى رەنات گايسين. ۇيىمداستىرۋشىلاردىڭ ايتۋىنشا, جاڭا جوبا ۇلتتىق سيپاتتا, قازاق تىلىندە ءوربيدى. «ساحنادا جۇرگەنىنە 15 جىل تولعان «مۋزارت» توبى وسى تاڭدا وزىندىك تاريحقا اينالىپ ۇلگەردى. جۇرتشىلىق ارقاشان ولاردىڭ شىعارماشىلىعىمەن مەيلىنشە تەرەڭىرەك تانىس­قىسى كەلەدى. بۇل ورايدا «قازاقستان» ۇلتتىق ارناسى قالىڭ قاۋىمعا ۇلكەن مۇمكىندىك ۇسىنىپ وتىر» دەيدى اتالمىش تەلەراديوكورپوراتسيانىڭ باسقارما ءتورايىمى نۇرجان مۇحامەدجانوۆا.
«مۋزارت Live» مۋزىكالىق تەلەجوباسىنا 16 مەن 25 جاس ارالىعىنداعى ەر-جىگىتتەر قا­تى­سادى. ۇمىتكەرلەردىڭ مۋزى­كالىق ءبىلىمىنىڭ بولۋى شارت ەمەس. سونداي-اق, مۋزىكالىق تال­عامى مەن ورىنداۋ­شىلار­دىڭ قۇرامىنا دا (سولو, دۋەت, توپ) ءمان بەرىلمەيدى. ەڭ باستى تالاپ – قاتىسۋشىنىڭ مەم­لەكەتتىك تىلدە ءان ايتا ءبىلۋى مىندەتتى.
جارىس 3 كەزەڭگە بولىنگەن. العاشقى ىرىكتەۋ 15 ناۋرىز بەن 15 ءساۋىر ارالىعىندا ونلاين تۇردە ءوتتى. سايىسكەرلەردەن رەسپۋبليكا بويىنشا 12 مىڭداي ءوتىنىش كەلىپ تۇسكەن. ءتىپتى, كورشىلەس قىتاي, قىرعىزستان ەلدەرىندە تۇراتىن قانداس باۋىرلارىمىز دا قاتىسۋعا نيەت بىلدىرگەن. ال ەكىنشى تۋر مامىردىڭ 10-ىنان 25-ىنە دەيىن بىرنەشە ايماقتا ۇيىمداستىرىلادى. ايتا كەتەر­لىگى, بۇل كەزەڭگە «مۋز­ارت» توبىنىڭ تولىق قۇرامى – مەي­رامبەك بەسپاەۆ, ساكەن ماي­عازيەۆ, كەنجەبەك ءجانابىلوۆ قاتىسىپ, كوڭىلدەن شىققان ونەرلى ورەندەردى وزدەرى تاڭدايدى.

استانا قالاسىنىڭ ۇمىتكەرلەرى وسى اپتادا باق سىنادى. ەكى كۇن بويى بەيبىتشىلىك جانە كەلىسىم سارايىندا ءوت­كەن ىرىكتەۋدە 150-گە جۋىق ازامات باسەكەلەستى. اقىل­داسا كەلە, «مۋزارت» ءمۇ­شەلەرى 16 جىگىتتى كەلەسى اينالىمعا شاقىردى.

استانالىقتاردىق الىمى زور
استانا قالاسىنىڭ ۇمىتكەرلەرى وسى اپتادا باق سىنادى. ەكى كۇن بويى بەيبىتشىلىك جانە كەلىسىم سارايىندا وتكەن ىرىكتەۋدە 150-گە جۋىق ازامات باسەكەلەستى. بىرىنەن ءبىرى اسىپ تۇسەتىن قابىلەتتى ونەرپازدار ىشىنەن ۇزدىكتەردى ەرەكشەلەۋ وڭايعا سوقپاعانى راس. ايتكەنمەن, دودانىڭ اتى – دودا. بىرەۋ قالىپ, بىرەۋ وزادى. اقىلداسا كەلە, «مۋزارت» مۇشەلەرى 16 جىگىتتى كەلەسى اينالىمعا شاقىردى. جارىس بىتكەن سوڭ, ساكەن مايعازيەۆتى سوزگە تارتقان ەدىك.
– بايقاۋدىڭ ىرىكتەۋ تۋرىن ەلوردادان باستادىڭىزدار. جالپى, العان اسەرلەرىڭىز, تۇيگەن ويلارىڭىز قانداي؟
– بارلىعى بيىك دەڭگەيدە ءوتتى. ريزامىز. نەگىزى, قازاقستان بويىنشا 5 ءىرى ايماقتى تاڭداپ العانبىز. كىشىگىرىم وڭىرلەرگە بارىپ ۋاقىت جوعالتقانشا, ءبىر ورتالىققا جيناعاندى ءجون كوردىك. ماسەلەن, تۇركىستان, كەنتاۋ جەرىندەگىلەر شىمكەنتتەگى ىرىكتەۋگە كەلەدى. وسكەمەن, اياگوز­دەگى ۇمىتكەرلەردىڭ باسى سەمەيدە توعىسادى. ال استانا مەن الماتى قالالارى ميلليونداعان تۇرعىنى بار ءىرى مەگاپوليس قوي. سوندىقتان بۇل ەكى شاھارعا جەكە ايالدادىق. اۋەلى ەلورداعا ات باسىن تىرەپ وتىرمىز. قاتىسۋشىلاردىڭ ىنتا-ىقىلاسىنا تاڭعالدىق. باس قالانىڭ تۇكپىر-تۇكپىرىنەن نەبىر دارىندى ازاماتتار قاتىستى.
– ونەرلى ىنىلەرىڭىز كوپ پە ەكەن؟
– ءيا. ارالارىندا بۇرىننان وسىنداي بايقاۋلارعا قاتىسىپ, حالىققا تانىلىپ جۇرگەن جىگىتتەر بار. كىمنىڭ باعى قاشان جانارىن اللا بىلەدى عوي. مۇمكىن ءدال وسى جوبا بىرەۋىنىڭ باعىن اشقالى تۇرعان شىعار.
– ۇمىتكەرلەر كوبىنەسە قانداي جانرداعى اندەردى ورىندادى؟
– وسى تۇستا قۋانعانىمىزدى ايتا كەتەيىن. جاستارىمىز جان-جاقتى. ءداستۇرلى ءاندى دە, پوپتى دا, ءتىپتى, اۋىر روكتى دا كەرەمەت ورىنداي الاتىندارىن كورسەتتى. قاي باعىتتا ءان سال دەسەڭ دە, توسىل­مايدى. كىلەڭ «سەن تۇر, مەن اتايىن­نىڭ» ناعىز ءوزى. باسىم بولىگى ءبىزدىڭ تابيعاتىمىزعا جا­قىن ليريكالىق اندەردى تاڭداپتى.

ساكەن مايعازيەۆ:
– جاستارىمىز جان-جاقتى. ءداستۇرلى ءاندى دە, پوپتى دا, ءتىپتى, اۋىر روكتى دا كەرەمەت ورىنداي الاتىندارىن كورسەتتى. قاي باعىتتا ءان سال دەسەڭ دە, توسىلمايدى. كىلەڭ «سەن تۇر, مەن اتايىننىڭ» ناعىز ءوزى. باسىم بولىگى ءبىزدىڭ تابيعاتىمىزعا جاقىن ليريكالىق اندەردى تاڭداپتى.

جىگىتكە جەتى ونەر دە از
– تاعى قانداي ەرەك­شە­لىك­تەرىنە نازار اۋدار­دىڭىزدار؟
– ءبىز قاتىسۋشىلاردىڭ بيگە يكەمدىلىگىن دە ەسكەردىك. ويتكەنى, ساحنا دەگەنىمىز – قيىن ونەر. وندا تەك ءان سالا ءبىلۋ جەتكىلىكسىز. ءوزىڭدى جۇرت الدىندا ۇستاۋىڭ, قيمىل-قوزعالىسىڭ, ءجۇرىس-تۇرىسىڭ – ءبارى-ءبارى ماڭىزدى. مۇنىمەن قوسا, جىگىتتەردىڭ مۋزىكالىق اسپاپتا ويناۋ شە­بەرلىگىن دە سىنادىق. دومبىرامەن ءان ايتقانداردى جوعارى باعالادىق. بۇل قابىلەت انشىگە ەشقاشان ارتىقتىق ەتپەيدى.
– جارىس بارىسىندا سىزدەردى قىنجىلتقان ساتتەر بولدى ما؟
– نەسىن جاسىرايىن, ونداي جايتپەن دە جولىقتىق. اتىن اتاپ, ءتۇسىن تۇستەپ ايتپاي-اق قويايىن, بىراق كەي قالادان ءبىردى-ەكىلى عانا ادام قاتىستى. وسىندايدا جاستاردىڭ سەلقوستىعىنا, بەيقامدىعىنا قارنىڭ اشادى. بۇيىرسا, الداعى ۋاقىتتا الماتى, شىمكەنت, اتىراۋ جانە سەمەيدى ارالايمىز. جۇرتشىلىقتىڭ بەلسەندىلىگىن سوندا بايقايمىز, – دەپ اعىنان اقتارىلدى ءانشى.
ەكىنشى كەزەڭ قورىتىن­دىلان­عاننان كەيىن ءادىل قازىلار القاسى ءۇشىنشى تۋرعا جولداما العان 60 جۇلدەگەردىڭ ەسىمىن جاريالايدى. ولار ۇلتتىق مۋزىكالىق جوبانىڭ تەلەتۇسىرىلىمىنە قاتىسادى. بۇل كەزەڭ بارىسىندا سايىسكەرلەر ستيل, يميدج, رەپەرتۋار, حورەوگرافيا سالاسى بويىنشا ۇيىمداستىرۋ كوميتەتىنەن كەڭەس الادى. اقتىق سىندا 6 ادام باق سىنايدى. باس جۇلدەنى ەنشىلەگەن جەڭىم­پازداردان توپ قۇرىلىپ, شى­عارماشىلىق ورتاعا سىڭىسۋىنە قولداۋ كورسەتىلەدى. وسى تۇعىرعا تالپىنعان بارلىق ونەرپازدارعا ءبىز دە ساتتىلىك تىلەيمىز.

بوتاگوز ماراتقىزى

تاعىدا

ۇقساس جاڭالىقتار

پىكىر ۇستەۋ

Back to top button