مادەنيەت

مۋزەيگە كەلۋشىلەر كوبەيدى

ەلوردا تورىندە ورنالاسقان ۇلتتىق مۋزەيگە كەلۋشىلەر قاتارى كوبەيىپ كەلەدى. بيىلدىڭ وزىندە 87 مىڭعا جۋىق ادام رۋحاني ورتالىققا باس سۇققان. بۇل تۋرالى كەشە قر پرەزيدەنتى جانىنداعى ورتالىق كوممۋنيكاتسيالىق قىزمەتىندە وتكەن بريفينگتە قر ۇلتتىق مۋزەي ديرەكتورىنىڭ ورىنباسارى اباي ساتىبالدين مالىمدەدى.

مۋزەي

ۇلتتىق  مۋزەيدىڭ ەكسپوزيتسيالارى ەڭ جاڭا كورمە تەحنولوگيالارىن پايدالانۋ ارقىلى حرونولوگيالىق تارتىپپەن قۇرىلعان. مۋزەيدە ەجەلگى جانە ورتا عاسىر تاريحى, التىن, تاريح, ەتنوگرافيا, تاۋەلسىز قازاقستان, زاماناۋي ونەر, استانا جانە ۋاقىتشا كورمە زالدارى قىزمەت جاسايدى. سونىمەن قاتار, كەلۋشىلەرگە ارنالعان قىزىقتى مادەني ءىس-شارالار ۇيىمداستىرىلادى.

«جىل سايىن مۋزەيگە كەلۋشىلەردىڭ سانى ارتىپ كەلەدى. ونىڭ ىشىندە شەتەلدىك قوناقتارىمىزدىڭ سانى باسىم. ناقتى كورسەتكىشتەرگە سۇيەنسەك, 2016 جىلدىڭ ماۋسىم ايىندا «ستۋدەنتتەر», «مەكتەپ وقۋشىلارى», «ۇلكەندەر», «تۋريستىك توپتار» سياقتى كاتەگوريالاردىڭ وسكەندىگىن بايقايمىز. بۇل قۋانتارلىق جاعداي, سەبەبى, حالىقتىڭ مۋزەيگە دەگەن قىزىعۋشىلىعى ارتۋدا» دەيدى ا.ساتىبالدين.

ۇلتتىق مۋزەي تەك استانا قالاسىمەن شەكتەلمەي, وڭىرلەردە ارنايى كورمەلەردى ۇيىمداستىرۋدى قولعا الىپتى. ماسەلەن, قازاقستاننىڭ باتىس وڭىرلەرىندە  تəۋەلسىزدىكتىڭ  25 جىلدىق مەرەيتويىنا وراي ۇيىمداستىرىلعان «ۇلتتىق مۋزەي سەنىڭ قالاڭدا» مəدەني تۋرى اياسىندا قازاق ەلىنىڭ باستى جəدىگەرى «التىن ادام» كوپشىلىكتىڭ نازارىنا ارنايى كورمە رەتىندە ۇسىنىلعان.

تاعىدا

ۇقساس جاڭالىقتار

پىكىر ۇستەۋ

Back to top button