ن.نىعماتۋلين: ەلباسىنىڭ «قازاقستان – 2050» ستراتەگياسىن جۇزەگە اسىرۋدى زاڭنامالىق قامتاماسىز ەتۋ – 2014 جىلى دا ءماجىلىس جۇمىسىنىڭ باسىم باعىتى بولماق
بۇگىن ءماجىلىستىڭ وسى جىلعى سوڭعى وتىرىسى ءوتىپ, بىرقاتار زاڭنامالىق قۇجاتتار ماقۇلداندى. سونىمەن بىرگە, دەپۋتاتتار باستاماشى بولعان ەڭ تومەنگى الەۋمەتتىك ستاندارتتار مەن كەپىلدىكتەرگە قاتىستى تاعى ءبىر زاڭ جوباسى جۇمىسقا قابىلداندى.
وتكەن 2013 جىلدىڭ جۇمىسىنا قورىتىندى جاساي كەلىپ, ءماجىلىس توراعاسى الداعى 2014 – جىلى دا ەلباسىنىڭ «قازاقستان – 2050» ستراتەگياسىن جۇزەگە اسىرۋدى زاڭنامالىق قامتاماسىز ەتۋگە باسا نازار اۋدارىلاتىندىعىن اتاپ ءوتتى.
ساندى مالىمەتتەرگە جۇگىنسەك, 5 – شاقىرىلىمنىڭ ءۇشىنشى سەسسياسى بارىسىندا 16 جالپى وتىرىس ءوتتى, وندا 36 زاڭ جوباسى ماقۇلدانىپ, سەناتقا جىبەرىلدى.
ونىڭ 18-ءى قازاقستان رەسپۋبليكاسىنىڭ باسقا مەملەكەتتەرمەن جانە حالىقارالىق ۇيىمدارمەن حالىقارالىق شارتتاردى جانە كەلىسىمدەردى راتيفيكاتسيالاۋعا قاتىستى.
ءۇشىنشى سەسسيا باستالعان ءتورت اي ىشىندە 19 زاڭعا ەلباسىنىڭ قولى قويىلدى.
جالپى ايتاتىن بولساق, وسى شاقىرىلىم جۇمىسىن باستاعان 2012 – جىلدىڭ قاڭتار ايىنان بەرى, ءماجىلىس دەپۋتاتتارى 170 زاڭ جوباسىن ماقۇلدادى, ونىڭ 153-نە پرەزيدەنتتىڭ قولى قويىلىپ, ءوز كۇشىنە ەندى.
حالىق قالاۋلىلارىنىڭ اسىرەسە, زاڭنامالىق باستامالار بويىنشا ايرىقشا بەلسەندىلىگىنىڭ ارقاسىندا وسى جىلى دەپۋتاتتاردىڭ وزدەرى ازىرلەگەن قۇجاتتار سانى ارتا ءتۇستى.
ماسەلەن ماجىلىسمەندەر, 21 زاڭ جوباسىنا باستاماشى بولدى, بۇل وتكەن جىلمەن سالىستىرعاندا 2 ەسەگە ارتىق كورسەتكىش.
نۇرلان نىعماتۋلين ارىپتەستەرىن كەلە جاتقان جاڭا جىل مەرەكەسىمەن قۇتتىقتاپ, الدا «قازاقستان – 2050» ستراتەگياسىن جۇزەگە اسىرۋعا قاتىستى اۋقىمدى زاڭدىق جۇمىستاردى قولعا الۋ مىندەتى تۇرعانىن تىلگە تيەك ەتتى.
