بيىلعى WSB فينالى ەلوردادا وتەدى
بۇكىلالەمدىك WSB بوكس سەرياسىنىڭ ءۇشىنشى ماۋسىمىنىڭ فينالى بيىلعى جىلدىڭ مامىر ايىندا استانا قالاسىندا وتەدى. «بۇل تۋرالى «Astana Arlans» پەن «German Eagles» وسىندا قورىتىندى جەكپە-جەكتەرىن وتكىزىپ, تاراپتار تۇپكىلىكتى شەشىمگە كەلگەننەن كەيىن عانا بەلگىلى بولدى.
جۇمىسسىزدار ازايعان
قالالىق ءماسليحاتتا «جۇمىسپەن قامتۋ – الەۋمەتتىك قورعاۋ نەگىزى جانە حالىقتىڭ ءومىر ءسۇرۋ ساپاسىن ارتتىرۋ» تاقىرىبىندا دوڭگەلەك ۇستەل ءوتتى. دوڭگەلەك ۇستەل بارىسىندا استانا قالاسى جۇمىسپەن قامتۋ جانە الەۋمەتتىك باعدارلامالار باسقارماسىنىڭ باستىعى الما التىباەۆانىڭ مالىمدەۋىنشە, ەلوردادا جۇمىسسىزدىق دەڭگەيى 2010 جىلعى 6,2%-دان 2012 جىلى 5,6% -عا دەيىن قىسقارعان. سونىڭ ىشىندە جاستار جۇمىسسىزدىعى 2010 جىلعى 11,2%-دان 2012 جىلى 8,2%-عا ازايعان.
قالا قاردان تازارىپ جاتىر
توتەنشە جاعدايلاردىڭ الدىن الۋ, زارداپتارىن جويۋ جونىندەگى قالالىق ۆەدومستۆوارالىق كوميسسيا قالا اۋماعىندا سۋ تاسقىنىن بولدىرماۋ جونىندە ۇيىمداستىرۋ جۇمىستارىن جۇرگىزۋدى جالعاستىرۋدا. قالا اۋماعىن قاردان تازارتۋعا تاۋلىك بويى ەكى اۋىسىمدا 794 ارنايى تەحنيكا مەن اۋلا ءىشىن تازارتۋعا 227 تەحنيكا جۇمىلدىرىلعان. باستى نازار جەكە سەكتور مەن الەۋمەتتىك ماڭىزى بار نىساندارعا اۋدارىلادى
كەشە
قازىرگى زامانعى ونەر مۇراجايىندا اناتولي گاركالوۆتىڭ حالىقارالىق ايەلدەر كۇنىنە ارنالعان جەكە كورمەسى اشىلدى.
بۇگىن
ق.قۋانىشباەۆ اتىنداعى مەملەكەتتىك اكادەميالىقكازاق مۋزىكالىق-دراما تەاترىندا ق. شاڭعىتباەۆ پەن ق. بايسەيىتوۆتىڭ «قىزدار-اي»
مۋزىكالىق كومەدياسى قويىلادى.
ەرتەڭ
«جاستار» سارايىندا ساع. 16.00, 18.30 جانە 21.00- دە «شانشار» ءازىل-سىقاق تەاترىنىڭ مەرەكەلىك كونتسەرتى وتەدى.
*جەدەلسوز
ءلاززات قۇسايىنوۆا, استانا قالاسى اكىمدىگىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيانىڭ حاتشىسى:
استانالىق ارۋلار بەلسەندى
–استاناداعى ايەلدەردىڭ ەڭبەكپەن قامتىلۋى, بەلسەندىلىگى قانداي دارەجەدە؟
–ەلوردادا 26 جەرگىلىكتى اتقارۋشى ورگان بار. وسىلاردىڭ التاۋىن ايەلدەر باسقارىپ وتىر. بۇل 23% پايىزدى قۇرايدى. گەندەرلىك تەڭدىككە بىردەن جەتۋ مۇمكىن ەمەس قوي. سوندىقتان ۇلتتىق كوميسسيانىڭ شەشىمىمەن تەڭدىككە جەتۋدىڭ العاشقى دەڭگەيى 30 پايىز دەپ بەلگىلەنگەن. ەگەر وسى پايىزدىق وسىمگە جەتكەن جاعدايدا, جاقسى جۇمىس جۇرگىزىلدى, ناتيجەگە جەتتىك دەپ ايتۋعا بولادى. بىزدە بيىل 23 پايىز, بىلتىر 27 پايىز, الدىنعى جىلى 24 پايىز بولعان. بيىلعى كورسەتكىش تومەندەگەننىڭ سەبەبى – مەكەمەلەردىڭ سانى كوبەيۋى.
–ايەلدەردىڭ كاسىپكەرلىكپەن اينالىسۋ بەلسەندىلىگى جونىندە نە ايتار ەدىڭىز؟
–كاسىپكەرلىكتىڭ دامۋ جونىندەگى جۇرگىزىلگەن تالداۋ بويىنشا كاسىپكەرلىك قىزمەتپەن بەلسەندى اينالىساتىن ايەلدەردىڭ سانى جىل سايىن وسۋدە. ايەلدەر كاسىپكەرلىگى سوڭعى بەس جىلدا دامي باستاپ, 9,5 % قۇرادى. ايەلدەر باسقاراتىن بيزنەس كوبىنە: ءۇي شارۋاسى قىزمەتى (88,7 %), ءبىلىم بەرۋ (80,2 %), دەنساۋلىق ساقتاۋ جانە الەۋمەتتىك قىزمەت (72,1 %), ونەر, كوڭىل كوتەرۋ جانە دەمالىس (71,0 %), اكىمشىلىك جانە قوسىمشا قىزمەت كورسەتۋ سالاسىنداعى قىزمەت (62,5 %), قونىستانۋ جانە تاماقتانۋ بويىنشا قىزمەتتەردە (60,8%) .
–بۇگىندە ايەلدەردىڭ ورتاشا ايلىق جالاقىسى قانداي دەڭگەيدە؟
2012 جىلى استانا قالاسىنىڭ جۇمىسپەن قامتۋ جانە الەۋمەتتىك باعدارلامالار باسقارماسىنا جۇمىس ىزدەپ 7997 ايەل حابارلاسقان. ونىڭ ىشىندە 3552 ايەل جۇمىسقا ورنالاستى.
ەرلەر – 2030 ادام. استانا قالاسى ستاتيستيكا دەپارتامەنتىنىڭ مالىمەتى بويىنشا ورتاشا ايلىق جالاقى ايەلدەردە – 127127 تەڭگەنى قۇرادى.
«قالامقاس» كونتسەرت قويدى
حالىقارالىق ايەلدەر مەرەكەسى قارساڭىندا استاناداعى ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە شىعىس قازاقستان وبلىسىنىڭ اكىمى بەردىبەك ساپارباەۆتىڭ تىكەلەي قولداۋىمەن «قالامقاس» حالىق ءان-بي ءانسامبىلىنىڭ «استاناعا – شىڭعىستاۋ – اباي ءوڭىرىنىڭ ءان-كۇي شاشۋى» اتتى مەرەكەلىك كونتسەرتى ءوتتi. 1972 جىلى قۇرىلعان «قالامقاس» ءان-بي ءانسامبلى وتكەن جىلى ءوزىنىڭ 40 جىلدىق مەرەيتويىن تويلادى. 1973 جىلى چەحوسلوۆاكيانىڭ ستراجنيتسا قالاسىندا وتكەن ەتنوگرافيالىق ونەر ۇجىمدارىنىڭ الەمدىك سايىسىندا وداق نامىسىن ابىرويمەن قورعاپ, تۇركيا, چەحوسلوۆاكيا, ۆەنگريا, قىتاي مەن رەسەي سىندى ەلدەردىڭ ساحناسىندا قازاق ءانiن اۋەلەتتi. كەزىندە «قالامقاستىڭ» قۇرامىندا بولات بايمۇراتوۆ, عابباس قاسىموۆ, توكەن ساكەنوۆ, روزا ساكەنوۆا, بايان ساعىمباەۆا سىندى دۇلدىلدەر قىزمەت ەتتى. سولاردىڭ قاتارىنداعى باقىت شاعاتاەۆا مەن تامارا كوزباەۆا ءالى كۇنگە دەيىن وسى ءانسامبلدىڭ قۇرامىندا. ساحنادان ءان اۋەلەتكەن قوس قايراتكەر, ءبىر ساتكە دە كورەرمەنىن جوعالتقان ەمەس. اتاق, قۇرمەتكە بولەنىپ, ەلباسى قولىنان دا ماراپات العان. بۇگىندە «قالامقاس» حالىق ءان-بي ءانسامبلى شەتەل اسىپ ونەر كورسەتپەسە دە, ەل ساحناسىندا ۇلكەن بەدەلگە يە. باي رەپەرتۋارلارىمەن, كوپتى ءتانتى ەتكەن ءانسامبلدىڭ ءىزباسار جاستارى دا كوپ.
قاريانى قۇتتىقتادى
سارىارقا اۋدانىنىڭ اكىمى ەرمەك وسپانوۆ قالانىڭ تۇرعىنى نۇرجاميلا قۇردىباەۆانى 100 جاسقا تولۋ مەرەيتويىمەن قۇتتىقتادى. ەرمەك سابىربەكۇلى قاريانى كوكتەمنىڭ كەرەمەت مەرەكەسىمەن ءجانە تۋعان كۇنىمەن قۇتتىقتاپ, زور دەنساۋلىق, وتباسىنا اماندىق, قۇت-بەرەكە ءتىلەدى. سونداي-اق, ۇزاق عۇمىر يەسىنە ەستەلىك سىيلىق پەن قۇتتىقتاۋ حات تاپسىردى.
«استانا تاڭداۋى» جاسالادى
ەلوردادا ءار ماماندىقتىڭ ۇزدىگىن انىقتاۋعا باعىتتالعان «استانا تاڭداۋى-2013» جالپىقالالىق بايقاۋى باستالدى. ول وسى شاھاردا بىزبەن بىرگە ءومىر ءسۇرىپ جاتقان ناقتى كەيىپكەرلەر, سان-الۋان ماماندىق يەلەرى تۋرالى كەڭىنەن اڭگىمەلەۋ ماقساتىندا وتكىزىلۋدە. بايقاۋ ەكى جىل قاتارىنان اكىمدىكتىڭ قولداۋىمەن ۇيىمداستىرىلۋدا. وتكەن جىلى بۇل بايگە قوعامدا ۇلكەن قىزىعۋشىلىق تۋعىزدى.
بايقاۋدى ۇيىمداستىرۋشىلار 60-تان استام ءوتىنىم قابىلدادى. استانا قالاسىنىڭ رەسمي سايتىندا بايقاۋعا قاتىسۋشىلارعا 30 مىڭنان استام ادام داۋىس بەرىپ, «پەداگوگ», «قوعامدىق كولىك ءجۇرگىزۋشىسى», «ۋچاسكەلىك ينسپەكتور», «دارىگەر», «ەنەرگەتيك», «جولشى» جانە «قۇرىلىسشى» اتالىمدارى بويىنشا ۇزدىك قالالىقتى تاڭدادى. بايقاۋدان كەيىن ءار كەيىپكەر تۋرالى قىسقا مەتراجدى فيلم ءتۇسىرىلىپ, جەڭىمپازداردىڭ فوتولارى بيلبوردتارعا ءىلىندى.
بيىل ۇيىمداستىرۋشىلار بايقاۋعا ودان دا زور قىزىعۋشىلىق بولادى دەگەن سەنىمدە. وتىنىمدەر قابىلداۋ 1 مامىردان 30 مامىرعا دەيىن جالعاسادى. جەڭىمپازدار استانا كۇنى قارساڭىندا قالانىڭ astana.kz. رەسمي سايتىندا داۋىس بەرۋ جولىمەن 20 ماۋسىمنان 6 شىلدەگە دەيىن انىقتالادى. بايقاۋعا قاتىسۋعا تىلەك ءبىلدىرۋشى astana-tandauy-2013@gmail.com. مەكەنجايى بويىنشا ءوتىنىمىن جىبەرە الادى.
ەركەجان ساتىمبەك
اسەرلى ءان-شاشۋ
استانا قالاسى سارىارقا اۋدانى اكىمدىگىنىڭ ۇيىمداستىرۋىمەن م.گوركي اتىنداعى مەملەكەتتىك اكادەميالىق ورىس دراما تەاترىندا حالىقارالىق ايەلدەر كۇنىنە ارنالعان مەرەكەلىك كونتسەرت ءوتتى.
ءان كەشى اۋدان اكىمى ەرمەك وسپانوۆتىڭ ايەلدەر قاۋىمىنا ارنالعان قۇتتىقتاۋ سوزىمەن باستالدى.
سالتاناتتى شارانى «انا» اتتى انىمەن كىشكەنتاي عانا ءبۇلدىرشىن – «گۇلداۋرەن» ءانسامبلىنىڭ ءانشىسى اقمارال وسپان باستادى. ارتىنشا «ناز» بي تەاترىنىڭ ونەرپازدارى «شەرنياز» بيىمەن جۇرت قوشامەتىنە بولەندى. سونىمەن قاتار, «يۋنوست استانى» ءانسامبلىنىڭ ءانشىسى ءامينا ماديەۆا انا تۋرالى اسەم ءان تارتۋ ەتتى.
كونتسەرتكە ارنايى شاقىرىلعان ەسترادا جۇلدىزى مەدەت شايكەنوۆ پەن استانا قالاسى مەملەكەتتىك فيلارمونياسىنىڭ ءانشىسى نۇربول بالاپانوۆ جيىلعان كوپشىلىككە اۋەزدى اندەرىمەن كوتەرىڭكى كوڭىل-كۇي سىيلادى.
ەربول جانات
