جاڭالىقتار

ناق-ناق

تۇرعىندارعا ءيىس تيگەن

ەلورداداعى سارىارقا اۋدانى اۋماعىنداعى ءتورت پاتەرلى جەكەمەنشىك تۇرعىن ۇيدە 10 ناۋرىز كۇنى ساعات 09:03-تە قاتتى وتىنمەن جاناتىن پەش اقاۋلىعىنىڭ سالدارىنان ءيىس تيگەن 20 جانە 18 جاستاعى ءۇش بويجەتكەن, سونداي-اق, 10 جاسار بالا اۋرۋحاناعا جەتكىزىلدى. وسىعان ۇقساس وقيعا الماتى وبلىسى قاپشاعاي قالاسىندا دا ورىن الدى. 2 پاتەرلى جەكەمەنشىك تۇرعىن ۇيدە ءيىس ءتيىپ ۋلانعان 33 جاستاعى ەر ادام, 23 جاستاعى ايەل مەن 1, 2 جانە 4 جاستاعى ءۇش بالا اۋرۋحاناعا جەتكىزىلدى.

«لومونوسوۆ – 2013» كونفەرەنتسياسى

استانادا م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ قازاقستاندىق فيليالى 2013 جىلعى 12-13 ءساۋىر كۇندەرى ستۋدەنتتەردىڭ, ماگيسترانتتار مەن جاس عالىمداردىڭ «لومونوسوۆ – 2013» ءىح حالىقارالىق عىلىمي كونفەرەنتسياسىن وتكىزەدى. كونفەرەنتسيانىڭ ماقساتى – ستۋدەنتتەردىڭ, ماگيسترانتتاردىڭ جانە جاس عالىمداردىڭ شىعارماشىلىق بەلسەندىلىگىن دامىتۋ, ولاردى زاماناۋي عىلىمنىڭ وزەكتى ماسەلەلەرىن شەشۋگە تارتۋ, سونداي-اق, رەسەي مەن قازاقستان ستۋدەنتتەرىنىڭ جانە جاس عالىمدارىنىڭ ءبىلىم بەرۋ جانە عىلىمي بايلانىستارىن دامىتۋعا جاردەمدەسۋ بولماق.

«ءبىز جولداعى قاۋىپسىزدىك ءۇشىن!»

بالالاردىڭ جول-كولىك جاراقاتتارىنىڭ الدىن الۋ ماقساتىندا كوكتەمگى كانيكۋل قارساڭىندا جول پوليتسياسى قىزمەتكەرلەرى جاس جول ينسپەكتورلارىمەن بىرگە 2013 جىلدىڭ 11-ىنەن 16 ناۋرىزعا دەيىن استانادا «ءبىز جولداعى قاۋىپسىزدىك ءۇشىن!» كەڭ اۋقىمدى اۆتوجورىعىن وتكىزەدى.

الاياق  ايەلدىڭ اقىرى

ەلوردالىق پوليتسيا قىزمەتكەرلەرى بىرنەشە رەت ءىستى بولعان ۋكراينا ازاماتشاسىن قىلمىس ۇستىندە قولعا ءتۇسىردى. 

تەرگەۋ بارىسىندا سارىارقا ءىىب قىزمەتكەرلەرى قولعا تۇسكەن ازاماتشا قازاقستاننىڭ بىرنەشە ايماقتارىندا «گاسترولدەتىپ», الاياقتىق ارەكەتتەر ارقىلى زارداپ شەككەن ازاماتتاردىڭ مۇلكىن يەمدەنىپ العانىن انىقتادى.

قازىرگى ۋاقىتتا ول استانا اۋماعىندا ءجۇرىپ, ونداعان قىلمىستىق ارەكەت جاساپ ۇلگەرگەنىن مويىندادى. قولعا تۇسكەن ازاماتشاعا قاتىستى قر قك 177-بابىنا سايكەس قىلمىستىق ءىس قوزعالدى.

اقپاندا 400-دەن استام زاڭدى تۇلعا تىركەلدى

استانادا اقپان ايىندا 400-دەن استام زاڭدى تۇلعا تىركەلدى. بيىل اقپان ايىندا 435 كاسىپورىن مەن ۇيىم تىركەلىپ, 24-ءى جويىلدى. تىركەلگەن سۋبەكتىلەردىڭ نەگىزى الماتى (48,3%) جانە سارىارقا اۋداندارىندا (32,6%) ورنالاسقان. ەسىل اۋدانىنىڭ ۇلەسى 19,1%-دى قۇرايدى.

جاڭا زاڭدى تۇلعالاردىڭ 415-ءى جاۋاپكەرشىلىگى شەكتەۋلى سەرىكتەستىك رەتىندە تىركەلگەن. سونىمەن قاتار, تىركەلگەن كاسىپورىنداردىڭ ىشىندە 13-ءى – قوعامدىق بىرلەستىك پەن قور, ۇشەۋى – تۇتىنۋ كووپەراتيۆى, ۇشەۋى – مەملەكەتتىك كاسىپورىن مەن مەكەمە, بىرەۋى اكتسيونەرلىك قوعام بولىپ تابىلادى.

جويىلعانداردىڭ 20-سى – جشس, 2 – اق, 1 – مك, 1 – قوعامدىق قور.

اقپان ايىندا تىركەلگەن زاڭدى تۇلعا باسشىلارىنىڭ 306-سى – ەر ادام. 129-ى – ايەل ادام. وسى كەزەڭدە جويىلعان كاسىپورىندار اراسىندا ەر باسشى سانى – 17, ايەل باسشى – 7.

ايماقتىق پروبلەمالارعا ارنالادى

استانادا 15 ناۋرىزدا مەملەكەتتىك قىزمەتتىڭ ايماقتىق پروبلەمالارى جانە ايماقتىق حاب قۇرۋعا ارنالعان كونفەرەنتسيا وتەدى. بۇل تۋرالى قر پرەزيدەنتى جانىنداعى ورتالىق كوممۋنيكاتسيالار قىزمەتىنىڭ سايتى حابارلادى. «ايماقتىق حاب قاتىسۋشى-ەلدەردەگى مەملەكەتتىك قىزمەت جۇيەسىن جاڭارتۋدا كاتاليزاتور ءرولىن اتقارماق, سونداي-اق, وسى سالاداعى ايماقتىق ىنتىماقتاستىقتى نىعايتۋدىڭ فاكتورى بولادى» دەپ حابارلادى قر مەملەكەتتىك قىزمەت ىستەرى اگەنتتىگى. قاتىسۋشى-ەلدەردىڭ ءوزارا ءىس-قيمىلى ورتالىعىنىڭ نەگىزى ءۇش بازالىق ۇستانىم بولماق: ولار – قوعامعا قىزمەت ەتۋ ۇستانىمى, مەملەكەتتىك قىزمەت جۇيەسىن جاڭارتۋ بارىسىندا اشىقتىعى مەن مولدىرلىگى ۇستانىمى جانە حاب قىزمەتىنە قاتىسۋ مەن اقپارات الماسۋداعى ءوزارا مىندەتتەمەلەردىڭ ەركىندىگى ۇستانىمدارى.«ءسويتىپ, ايماقتىق حاب مەملەكەتتىك سەكتورداعى رەفورمالاردى ىنتالاندىرۋ بويىنشا جالپى مىندەتتەمەلەرگە نەگىزدەلگەن قاتىسۋشى-ەلدەر اراسىنداعى ىنتىماقتاستىقتىڭ جەمىسى بولادى» دەلىنگەن اقپاراتتا.

 سانسويلەم

جىل باسىنان بەرى استانا قالاسىندا 3000-نان استام جاياۋ جۇرگىنشى اكىمشىلىك جاۋاپكەرشىلىككە تارتىلدى.

كەشە

بەيبىتشىلىك جانە كەلىسىم سارايىندا فوتوسۋرەتشى ۆلاديمير كۋريلوۆتىڭ «ارايلى – استانا» اتتى فوتو كورمەسى اشىلدى.

بۇگىن

ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق-دراما تەاترىندا ش.ايتماتوۆتىڭ «اق كەمە» دراماسى قويىلادى.

ەرتەڭ

ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە قىتاي ءتىلى ارنايى ءدارىسحاناسىنىڭ اشىلۋ ءراسىمى وتەدى.

ەركەجان ساتىمبەك

تاعىدا

ۇقساس جاڭالىقتار

پىكىر ۇستەۋ

Back to top button