ۇزدىكتەر ۇزەڭگى قاعىستىردى
استانادا ءوتىپ جاتقان «Astana Piano Passion» جاس پيانيستەر بايقاۋىنىڭ كىشى جانە ورتا توپتاعى قاتىسۋشىلارىنىڭ ءبىرىنشى كەزەڭ بويىنشا ناتيجەلەرى جاريالاندى.
كىشى توپتان شۋان ەرن لي (اۆستراليا), رومان بوريسوۆ, نيكولاي ۆارلاموۆ, ۆلاديمير يۆانوۆ, ۆارۆارا كۋتۋزوۆا (رەسەي) جانە قازاقستاندىق ءسانجارالى كوپباەۆ اقتىق سىنعا جولداما الدى. ورتا توپتان يۋكينە كۋروكي (ياپونيا), ولەكسي كانكە (ۋكراينا), يۋ پيول مي (سولتۇستىك كورەيا), الەكساندر مالوفەەۆتەر (رەسەي) كەلەسى كەزەڭگە ءوتتى.
«باقىتتى وتباسى» باسپانا ۇسىنادى
كەشە «جالپىعا ورتاق ەڭبەك قوعامى» قاۋىمداستىعىنىڭ ۇيىمداستىرۋىمەن ءباسپاسوز كونفەرەنتسياسى ءوتتى. وندا «باقىتتى وتباسى» جوباسى جايىندا ايتىلدى.
بۇل جوبا بويىنشا ءار ادام قۇرىلىس الاڭىندا 100 ساعات (13 كۇن) جۇمىس ىستەپ, شارشى مەترىن 1200 ەۋرومەن جيھاز جانە تۇرمىس تەحنيكالارىمەن جابدىقتالعان باسپانا ساتىپ الا الادى. ۇيلەر «I-Plate» تەحنولوگياسى بويىنشا سالىناتىندىقتان, قۇرىلىسى تەز اياقتالادى ءارى جانعا جايلىلىعىمەن ەرەكشەلەنەدى. سولتۇستىك امەريكاداعى سالىنعان قۇرىلىستىڭ 80 پايىزى وسى تەحنولوگيا بويىنشا جاسالعان.
مەيىربيكەلەر مەرەكەسى
استانا قالاسىنداعى ۇلتتىق عىلىمي كارديوحيرۋرگيالىق ورتالىقتا حالىقارالىق مەيىربيكەلەر كۇنىنە وراي «ماماندىعىم – مەنىڭ ماقتانىشىم» اتتى بايقاۋ ءوتتى.
بۇل مەرەكە مەيىربيكە, ۇلىبريتانيانىڭ قوعام قايراتكەرى فلورەنس نايتينگەيلدىڭ تۋعان كۇنىنە وراي 12 مامىردا اتالىپ وتىلەدى. حالىقارالىق قىزىل كرەست ۇيىمى ەكى جىل سايىن ونىڭ اتىنداعى مەدالدى الەمنىڭ ۇزدىك 50 مەيىربيكەسىنە تابىس ەتەدى. بۇگىنگە دەيىن م.سميرنوۆا, ر.ىسقاقوۆا, ا.دميتريەنكو, ا.دميتريەۆا, ۆ.شيروكايا, ل.ساۆچەنكو سىندى قازاقستاندىق مەيىربيكەلەر اتالمىش مەدالدىڭ يەگەرى اتانعان.
كەشە…
«داۋلەت» سپورت كەشەنىندە حالىق قاھارمانى س.نۇرماعامبەتوۆ اتىنداعى حالىقارالىق بوكس ءتۋرنيرىنىڭ فينالدىق باسەكەسى ءوتتى.
بۇگىن…
ءبىرىنشى حالىقارالىق «Astana Piano Passion» كلاسسيكالىق مۋزىكا فەستيۆالى اياسىندا بەيبىتشىلىك جانە كەلىسىم سارايىندا دەنيس ماتسۋەۆتىڭ كونتسەرتى وتەدى.
ەرتەڭ…
«كورمە» ورتالىعىندا VI حالىقارالىق «سۋ ارناسى-2013» اتتى كورمە جانە عىلىمي كونفەرەنتسيا وتەدى.
سانسويلەم…
جىل باسىنان بەرى استانا قالاسى بويىنشا 15 مىڭعا جۋىق اكىمشىلىك قۇقىق بۇزۋشىلىق فاكتىسى تىركەلىپ, سونىڭ 1 257 فاكتىسى بويىنشا ءىس قوزعالعان. سونىڭ ىشىندە 224 ءىس قۇقىق بۇزۋشىلىقتىڭ ۇساق ساناتى قاتارىنا جاتقىزىلعان جانە 114 ءىس بويىنشا حاتتاما تولتىرىلعان.
ەربول جانات
