فيلولوگتار سەزى ءوتتى
قازاقستان رەسپۋبليكاسى ءبىلىم جانە عىلىم مينيسترلىگى قازاقستاندىق فيلولوگتاردىڭ I سەزىن وتكىزدى.
سەزدە ءبىلىم بەرۋدى جاڭعىرتۋدىڭ كونتەكسىندەگى ءتىل مەن ادەبيەتتى وقىتۋدىڭ باسىم مىندەتتەرىن بەلگىلەۋ, ءبىلىم بەرۋ ۇيىمدارىندا مەملەكەتتىك ءتىلدى وقىتۋدىڭ فورماسىن جەتىلدىرۋ سىندى وزەكتى ءماسەلەلەر تالقىلاندى.
جوبالار كونكۋرسى جاريالاندى
«بولاشاق» باعدارلاماسىنىڭ ءتۇلەكتەرى «Astana Startup Weekend – 2013» يننوۆاتسيالىق جوبالار كونكۋرسىنا قاتىسادى. كونكۋرستى «Astana Innovations» اق, حالىقارالىق باعدارلامالار ورتالىعى» اق جانە «بولاشاق» قاۋىمداستىعى بىرلەسە ۇيىمداستىرۋدا.
ءورت سوندىرۋشىلەر جارىستى
№5 ءورت ءسوندىرۋ ءبولىمىنىڭ «قۇلاگەر» سپورت كەشەنىندە قالالىق جاس ءورت سوندىرۋشىلەر جاساقتارى اراسىندا جارىس ءوتتى.
قالالىق جارىسقا قاتىسۋشى كوماندالار مامىر ايىنىڭ باسىنان بەرى اۋداندىق ىرىكتەۋ سىندارىنان وتكەن. سولاردىڭ ىشىنەن ىرىكتەلىپ الىنعان 6 كوماندا فينالدىق جارىستا باق سىنادى.
كەشە…
استانا قالاسى پروكۋراتۋرا ورگاندارىنىڭ قوعاممەن تىعىز قارىم-قاتىناستا جۇمىس ىستەۋى ماقساتىندا قالالىق پروكۋراتۋرادا اشىق ەسىك كۇنى ءوتتى.
بۇگىن…
ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىندا ەركىن جۋاسبەكتىڭ «ۇيلەنۋ» مۋزىكالىق كومەدياسى قويىلادى.
ەرتەڭ…
بۇكىل الەم 30-ىنشى رەت حالىقارالىق جيتس-تەن (سپيد) كوز جۇمعانداردى ەسكە الۋ كۇنىن اتاپ وتەدى. مامىر ايىنىڭ ءۇشىنشى جەكسەنبىسىندە اتالىپ وتىلەتىن جىل سايىنعى شارانىڭ بيىلعى ۇرانى «تىلەكتەستىك بەلگىسى رەتىندە» دەپ اتالادى.
سانسويلەم…
بيىلعى جىلدىڭ باسىنان بەرى استانا قالاسىنىڭ پوليتسيا قىزمەتكەرلەرى 22000-نان اسا اكىمشىلىك قۇقىق بۇزۋشىلىقتى انىقتاسا, ونىڭ 1918-ءى ۇساق بۇزاقىلىق قاتارىنا جاتادى.
قۇلاققاعىس…
2013 جىلعى 20 مامىر كۇنى ساعات 11.00-دە قازاق ۇلتتىق ونەر ۋنيۆەرسيتەتىندە كورنەكتى جازۋشى, بەلگىلى دراماتۋرگ, مەملەكەتتىك سىيلىقتىڭ يەگەرى اكىم تارازيدىڭ وقىرماندارمەن شىعارماشىلىق كەزدەسۋى وتەدى.
قۇرمەتتى استانالىقتار مەن قالا قوناقتارى!
مادەنيەت جانە اقپارات مينيسترلىگىنىڭ ءتىل كوميتەتى سىزدەردى ونەر شەبەرلەرى مەن سلاۆيان ەتنومادەني بىرلەستىكتەرى شىعارماشىلىق ۇجىمدارىنىڭ قاتىسۋىمەن وتەتىن سلاۆيان جازبالارى جانە مادەنيەتى كۇنىنە ارنالعان كونتسەرتكە شاقىرادى.
كونتسەرت 2013 جىلعى 24 مامىر كۇنى ساعات 18:00-دە مىنا مەكەنجايدا وتەدى: استانا قالاسى, رەسپۋبليكا داڭعىلى, 2; «نازارباەۆ ورتالىعى».
كەلەم دەۋشىلەرگە ەسىك اشىق!
