«جاس ۇلان» مەكتەبىن ءبىتىردى
استانادا ارميا گەنەرالى س. نۇرماعامبەتوۆ اتىنداعى رەسپۋبليكالىق «جاس ۇلان» مەكتەبىن بىتىرۋشىلەردىڭ وقۋ ورنىمەن قوشتاسۋ سالتاناتى ءوتتى. شارادا رەسپۋبليكالىق ۇلاننىڭ قۇرمەتتى قاراۋىل روتاسى مەن «جاس ۇلان» مەكتەبىنىڭ بارابانشىلار روتاسى جۇرتشىلىققا ءوز ونەرلەرىن كورسەتتى.
«وتىرىك» ءورت ءوشىرىلدى
قازاقستان رەسپۋبليكاسى تجم بولىمشەلەرى استانانىڭ سول جاعالاۋىندا ورنالاسقان «گراتسيا 4» تۇرعىن ءۇي كەشەنىندە شارتتى تۇردە ءورت ءسوندىرۋ وقۋ-جاتتىعۋىن وتكىزدى. №2 شاقىرتۋ رانگى بويىنشا وتكەن وقۋ-جاتتىعۋ جۇمىستارىنا 18 تەحنيكا, 1 تىكۇشاق پەن جەكە قۇرامنىڭ 90 ادامى جۇمىلدىرىلدى.
اپاتتىق جاعدايداعىلار باسپانا الادى
جىل سوڭىنا دەيىن استانادا اپاتتى جاعدايداعى تۇرعىن ۇيلەردە تۇراتىن 180 وتباسى جاڭا باسپاناعا يە بولادى. استانادا اكىمدىكتىڭ جانىنان «ەلوردا دامۋ» جشس قۇرىلعان. استانادا 228 ەسكى ءۇيدى بۇزۋ جوسپارلانعان. بۇگىندە اپاتتى جاعدايداعى ۇيلەردە تۇرىپ جاتقان ادامدارعا ارناپ 6 ءۇيدىڭ قۇرىلىسى باستالعان.
كەشە…
نازارباەۆ ۋنيۆەرسيتەتىندە جوعارى ءبىلىم كوشباسشىلارىنىڭ ەكىنشى ەۋرازيالىق فورۋمى ءوتتى.
بۇگىن…
ق. قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىندا «قىز جىبەك» مۋزىكالىق دراماسىنىڭ پرەمەراسى بولادى.
ەرتەڭ…
م.گوركي اتىنداعى مەملەكەتتىك اكادەميالىق ورىس دراما تەاترىندا ن.پتۋشكينانىڭ «براۆو, لاۋرەنسيا!..» كومەدياسى قويىلادى.
سانسويلەم
قالالىق جۇمىسپەن قامتۋ جانە الەۋمەتتىك باعدارلامالار باسقارماسى جەتىمدەر قاتارىنداعى جالپى ءبىلىم بەرەتىن مەكتەپ تۇلەكتەرىنە تۇراقتى تۇردە الەۋمەتتىك كومەك كورسەتىپ كەلەدى. ماسەلەن, وتكەن 2012-2013 وقۋ جىلىندا جوعارى وقۋ ورنىندا وقيتىن 146 ستۋدەنتتىڭ وقۋ اقىسى تولەندى. ولاردىڭ 17-ءسى – جەتىم, 7-ەۋى – اتا-اناسىنىڭ قامقورلىعىنسىز قالعان, 17-ءسى – بالالار ۇيىندە ءتاربيەلەنۋشى, 12-ءسى جاستايىنان مۇگەدەك بولسا, 93-ءى كوپبالالى وتباسىنان شىققان.
ەركەجان ساتىمبەك
