مادەنيەت

«نازدىڭ» ناقىشى

 «ناز» مەملەكەتتىك بي تەاترى ەلوردانىڭ 20 جىلدىعىنا وراي قوستاناي جانە قاراعاندى وبلىس­تارىندا وتكەن استانا كۇندەرىنە قاتىستى.

ەكى قالانىڭ دا مادەنيەت سارايى كورەرمەنگە لىق تولدى. توبىلدىڭ ءتورىن, نۇرانىڭ بويىن ءان مەن بيگە بولەگەن بەينەبىر ونەر كوشى دەرسىڭ. ەلوردانىڭ قۇرىلعاننان بەرگى دامۋ تاريحىن ارقاۋ ەتكەن كونتسەرتتىك باعدارلامانى كىشىگىرىم حورەوگرافيالىق قويىلىم دەسە دە بولادى. ابىزداردىڭ سوزىمەن باستالىپ, ءور رۋحتى قا­زاقتىڭ جىگىتتەرىنىڭ بيىمەن جالعاسىن تاپقان كەش كورگەن ادامنىڭ رۋحىن كوتەرىپ, ءبىر ءسات كۇيبەڭ تىرلىكتەن الىستاتتى. سىلتىدەي تىنعان كورەر­مەندى بي الەمى وزىنە باۋراپ الدى.
تەاتر ارتىستەرىنىڭ تولاسسىز ەڭبەگىنىڭ ناتيجەسىندە دايىن بولعان باعدارلامادا ەڭ تاڭداۋ­لى حورەو­گرافيا­لىق كومپوزيتسيالار مەن بيلەر جانە استانا, وتان جايلى پوەتيكالىق قويىلىمدار كورسەتىلدى.
كورەرمەنگە وسىنداي عاجايىپ كونتسەرتتىك باعدارلاما ۇسىنعان تەاتردىڭ كوركەمدىك جەتەكشىسى – باس بالەتمەيستەر, قر ەڭبەك سىڭىرگەن قايراتكەرى قاديشا اعىمباەۆا.
قوستاناي قالاسىنىڭ اكىمى بازىل جاقىپوۆ جانە قاراعاندى قالاسىنىڭ باسشىسى نۇرلان اۋباكىروۆ كەشكە قاتىسىپ, ارتىستەرگە ريزاشىلىعىن ءبىلدىردى.
«ناز» مەملەكەتتىك بي تەاترىنىڭ بۇل كونتسەرتتەردە استانانىڭ ايبىنىن اسقاقتاتتى.

 

اينۇر ءشامشى

گۇلزات ماقساتقىزى, قاراعاندى:
– «ناز» بي تەاترى كەلەدى دەگەندى ەستىگەن كۇننەن باستاپ بۇل كۇندى اسىعا كۇتتىم. ءوزىم بۇلدىرشىندەردى بي ونەرىنە باۋليمىن. كونتسەرتتى كورە وتىرىپ, وزىمە كوپ تاجىريبە جيناقتاپ, كوپ وي ءتۇيدىم. قانشاما بي ۇجىمدارىن عالامتوردان كورىپ, ىزدەنىستە جۇرەمىن. بىراق بۇل كەشتەن العان تاعىلىمىم ماعان شابىت سىيلادى. وسىنداي ۇجىمدار قالامىزعا ءجيى كەلىپ تۇرسا ەكەن. تەاترعا تەك تولاعاي تابىستار تىلەيمىن. استانامىزدى مەرەيتويىمەن قۇتتىقتايمىن!

ايمان سايلاۋقىزى, قوستاناي:
– مۇنداي كونتسەرتتى تەلەارنالاردان ءجيى كورە المايسىز. زەينەتتە وتىرعان سوڭ, كوك جاشىكتى كوبىرەك كورەتىنىمىز جاسىرىن ەمەس. جاس ۇلعايعان سوڭ ءوز قازاعىڭنىڭ ۇلتتىق دۇنيەلەرىن ىزدەيدى ەكەنسىڭ. شىنىمدى ايتايىن, مۇنداي جوعارى دەڭگەيدەگى بي ۇجىمىنىڭ كونتسەرتىن سوڭعى رەت قاشان كورگەنىم ەسىمدە جوق. بۇل كونتسەرت تەك ادەمى بي قيمىلدارىنان عانا تۇرمايدى ەكەن. ءار بي وزىنشە تەرەڭ تۇسىنىك, تۇرمىس-سالتتان حابار بەرەدى. ۇلتتىق كيىمدەرى قانداي تاماشا! كوز سۇيسىنەدى. بۇل تەاترعا تەك شىعارماشىلىق تابىس تىلەيمىن!

تاعىدا

ۇقساس جاڭالىقتار

پىكىر ۇستەۋ

Back to top button