استاناداعى «كونگرەسس-حولل» سارايىندا 1 ءساۋىر كۇنى حالىق قاھارمانى, ءبىر سوزبەن ءتۇيىپ ايتقاندا, ۇلتىمىزدىڭ ۇلى تۇلعاسى نۇرعيسا تىلەنديەۆكە ارنالعان «نۇر-اعا» اتتى گالا-كونتسەرت وتەدى.
نۇرعيسا اتامىزدى بىلمەيتىن قازاق كەمدە-كەم. ونىڭ اسقان دومبىراشىلدىعى مەن عاجايىن اۋەندەردى تۋعىزعان كومپازيتورلىق قىرى جانە ازاماتتىق كەلبەتى جايىندا ءتۇن اسىرىپ سويلەۋگە بولادى.تالانتتى تۇلعانىڭ ءومىرى مەن ونەرى دە قىرداعى قىزعالداقتاي ءبۇر جارىپ ءوسىپ كەلە جاتقان جاس ۇرپاققا ماڭگى ۇلگى. ارينە, ءبىز جوعارىدا «ۇلى» دەگەن ءسوزدى ادەيى ايتقان جوقپىز. شىن مانىندەگى وسى ۇعىمعا تولىق جاۋاپ بەرەتىن ساناۋلى عانا سيرەكتەردى ءبىرى – نۇرعيسا تىلەنديەۆ ەكەندىگى داۋسىز.
جىل سايىن باس قالادا ارداقتى ازاماتتىڭ تۋعان كۇنىنە وراي ەسكە الۋ كەشى ءوتىپ كەلەدى. ءبىز ايتىپ وتىرعان ىزگىلىكتى شارا دا سونىڭ زاڭدى جالعاسى. ايتۋلى ونەر كەشىندە بۇلبۇل داۋىستى بيبىگۇل تولەگەنوۆادان باستاپ, نۇرعالي ءنۇسىپجانوۆ قوستاعان, نۇرجامال ۇسەنباەۆا, ايگۇل ۇلكەنباەۆا سەكىلدى قازاقتىڭ ءانى مەن كۇيىن بيىككە كوتەرىپ جۇرگەن دارىندى ونەرپازدار قاتىسادى.
ازامات ەسەنجول
