ناۋرىز ىقىلىم زاماننان, نەشە عاسىردان بەرى ەلدىڭ جادىندا قالعان. تاۋەلسىزدىگىمىزبەن بىرگە قايتا ورالعان تاماشا مەرەكە بولىپ سانالادى. بۇگىنگى كۇندى ءبىزدىڭ بابالارىمىز ۇلىستىڭ ۇلى كۇنى, الىستى جاقىنداتىپ, جاقىنمەن قاۋىشىپ, بولاشاققا ۇمتىلاتىن كەز دەپ ساناعان.
الەم ءۇشىن ۇلكەن ءبىر مەزگىل بولىپ سانالاتىن 21 جىلدىڭ ىشىندە ادام تاڭعالارلىق قىرۋار دۇنيەلەر اتقارىلدى. بۇرىن-سوڭدى بولماعان قازاق مەملەكەتى قۇرىلدى. قازاق بۇكىل دۇنيەگە تانىلدى, مەملەكەتىمىزدىڭ تەرەزەسى ۇلى ەلدەرمەن تەڭ بولدى. قاي جاعىنان الىپ قاراساق تا, دۇنيەجۇزىندە قازاقستانعا دەگەن قۇرمەت ۇلعايدى. ەكونوميكامىز ءوسىپ, حالىقتىڭ ءال-اۋقاتى جاقساردى.
ءبىز 2050 جىلعا دەيىنگى دامۋ باعدارلاماسىن قابىلدادىق. ءبىزدىڭ ماقساتىمىز – الەمنىڭ جەتەكشى 30 ەلىنىڭ قاتارىنا كىرۋ. ءبىز الدىمىزعا وتە باتىل ماقساتتار قويدىق. ول قىرۋار جۇمىستى, ۇلكەن قاجىر-قايراتتى تالاپ ەتەدى. ءبىز بارشا قازاقستاندىقتاردىڭ جاقسى ءومىر ءسۇرۋى ءۇشىن ۇزاق مەرزىمدى دامۋ جولىن تاڭدادىق.
