ۇلىبريتانيادان كەلگەن حالىقارالىق بايقاۋشى حالىقارالىق بايقاۋشىلارعا قولعابىس كورسەتۋ ورتالىعىندا وتكەن بريفينگتە سايلاۋ ناۋقانى كەزىندەگى ءوز اسەرىمەن ءبولىستى.
«ءبىزدىڭ ەلدە سايلاۋ ۇنەمى بەيسەنبى كۇنى وتەدى. بۇل جۇمىس كۇنى بولعاندىقتان, كەيدە ادامدار سايلاۋعا بارۋعا ۇلگەرمەي جاتادى. ءبىر قىزىعى, سىزدەردە سايلاۋ جەكسەنبى كۇنى وتەدى. بۇل – دەمالىس كۇنى. ادامدارعا سايلاۋعا قاتىسۋعا, سايلاۋ ۋچاسكەلەرىنە كەلۋگە ۋاقىت بار» دەدى ۇلىبريتانيا پارلامەنتىنىڭ مۇشەسى, ۇلىبريتانيا پرەمەر-ءمينيسترىنىڭ موڭعولياداعى ساۋدا وكىلى دانيەل كاۆچينسكي.
حالىقارالىق بايقاۋشىلار سايلاۋ ۋچاسكەلەرىنە ازاماتتاردىڭ بالا-شاعاسىمەن كەلىپ جاتقانىن ايتتى.
– تاعى ءبىر ەرەكشە اتاپ وتەرلىگى, سايلاۋ ۋچاسكەلەرىندە ءان شىرقالىپ تۇرادى. بۇل ماعان وتە ۇنادى. سايلاۋ ۋچاسكەلەرى وتە قىزىقتى ورىن ەكەنىن بايقادىم. ماسەلەن, بىزدە سايلاۋ ۋچاسكەلەرى وتە رەسمي. وعان كىرگەن ادام كۇلمەيدى. كەرىسىنشە, ولار تەزىرەك كىرىپ, شارۋاسىن بىتىرۋگە تىرىسادى. ال مۇندا ادامدار ءبىر-بىرىمەن سويلەسىپ, داۋىس بەرۋ بيۋللەتەندەرىن جاشىككە سالۋ ءساتىن سۋرەتكە تۇسىرەدى. سايلاۋشىلار وتباسىمەن كەلدى, – دەدى د.كاۆچينسكي.
