وتكەن اپتادا قازاقستان پرەمەر ليگاسىنىڭ 20 تۋر ويىندارى اياقتالدى.
تۋر بارىسىندا بابايان باستاعان «استانا» كومانداسى ءوز الاڭىندا «اتىراۋدى» قابىلداپ, ۇتىلىپ قالدى – 1:2. ويىننىڭ 26 مينۋتىندا الاڭ يەلەرى ساپىنان زەلاو ەسەپ اشقانىمەن, 39 مينۋتتا ابدۋلين ناتيجەنى تەڭەستىرىپ كەتتى. ماتچ اياقتالۋعا ءۇش مينۋت قالعاندا ششەتكين «اتىراۋدى» جەڭىسكە جەتكىزگەن گولدى سالدى.
سونداي-اق, «جەتىسۋ» ءوز الاڭىندا «تارازدى» قابىلداپ, ەكى كوماندا 1:1 ەسەبىمەن تەڭ تارقاستى. ورالدا وتكەن «اقجايىق» پەن «ۆوستوك» كوماندالارى اراسىنداعى ويىندا ەسەپ اشىلمادى. ال, «شاحتەر» ءوز الاڭىندا 1:3 ەسەبىمەن «ورداباسىدان» ۇتىلدى. «ەرتىس» ءبىر گولمەن «توبىلدان» باسىم ءتۇستى.
«اقتوبە» مەن «قايرات» اراسىنداعى كەزدەسۋدە مارات حايرۋللين 50-ءشى مينۋتتا الاڭ يەلەرىن العا شىعارعانىمەن, 71 مينۋتتا زەمليانۋحين تابلوداعى ناتيجەنى تەڭەستىرىپ كەتتى. ەسەپ – 1:1.
ەربول جانات
