الداعى جۇما كۇنى, ياعني, 5 تامىزدا برازيليانىڭ ريو-دە-جانەيرو قالاسىندا ءحححى جازعى وليمپيادا ويىندارى باستالادى. تورتكۇل دۇنيە كوز تىگەتىن ءدۇبىرلى جارىستى قازاقستاندىقتار ءۇش تەلەارنا ارقىلى تاماشالاي الادى.
ءتورت جىلدا ءبىر رەت وتەتىن بايراقتى باسەكەگە قازاقستاننان 104 سپورتشى اتتاندى. ەل نامىسىن قورعايتىن سپورتشىلارىمىزدىڭ جارىستاعى كورسەتكىشتەرى مەن اسەرلى ساتتەرى «قازاقستان», «حابار» جانە «قازسپورت» تەلەارنالارى ارقىلى كورسەتىلەتىن بولادى. الەم اتلەتتەرىنىڭ سايىسىن قازاقستاندىق جانكۇيەرلەرگە دەرەۋ ءارى قىزىقتى ەتىپ جەتكىزۋ ءۇشىن وتاندىق ۇزدىك سپورت جۋرناليستەرى تارتىلىپ وتىر.
«قازسپورت» ارناسى العاشقى رەت ريو-دەجانەيرودان تىكەلەي ستۋديا ۇيىمداستىراتىن بولادى. تىكەلەي باعدارلاماعا وليمپيادا ويىندارىندا ءساتتى ونەر كورسەتكەن سپورتشىلار, سپورت قايراتكەرلەرى, باپكەرلەر, قر ۇلتتىق وليمپيادا كوميتەتى مەن مادەنيەت جانە سپورت مينيسترلىگىنىڭ وكىلدەرى شاقىرىلاتىن بولادى. سپورت ارناسى وليمپيادا ويىندارىنان كەيىن دەرەكتى فيلم جاساۋدى دا جوسپارلاپ وتىر.
«استانا اقشامى» گازەتى دە ريو ويىندارىنان جاڭالىقتاردى ۇزبەي بەرەتىن بولادى.
