جاڭالىقتار

ونەرگە قۇشتار ورەندەر

IMG_8637_نوۆىي-رازمەر

ەلوردادا №2 بالالار مۋزىكا مەكتەبىنىڭ 40 جىلدىق مەرەيتويىنا ارنالعان «شالقىسىن اسقاق اۋەنىم» اتتى شىعارماشىلىق كەش ءوتتى.

ىزگى شارا اۋەلى ۇزاق جىلدار بويى جاس جەتكىنشەكتەر بويىنا سيقىرلى سازدىڭ ءنارىن ءسىڭىرىپ, ولاردىڭ قابىلەتتەرىن شىڭداپ, ونەر ورىنە تالماي قانات قاعۋعا مۇمكىندىك بەرگەن مۋزىكالىق مەكتەپتىڭ مەرەيتويىنا ارنالعان عىلىمي-پەداگوگيكالىق كونفەرەنتسيامەن باستالدى. وندا مۋزىكالىق مەكتەپتىڭ التىن ارقاۋ سەكىلدى ۇزىلمەي كەشەگىدەن جالعاسقان تاريحى مەن بۇگىنگى جەتكەن جەتىستىكتەرى تۋرالى تەرەڭىرەك ايتىلدى. جيىنعا الماتى, قاراعاندى, كوكشەتاۋ ايماقتارىنان ارنايى قوناقتار قاتىسىپ, ساز مەكتەبى جايىندا بايىپتى وي-پىكىرلەرىن ءبىلدىردى. – مەن وسى ونەر مەكتەبىن جەتى جىل باسقاردىم. سوندىقتان دا ايتۋلى وقۋ ورداسى وزىمە ىستىق كورىنەدى. قىرىق جىلدىق باي تاريحى بار مەكتەپتىڭ جەتكەن بيىگى دە زور. قانشاما دارىندى بالالار تۇلەپ ۇشتى. بۇگىنگى تاڭدا ولاردىڭ الدى كوپكە تانىلىپ, ەل ابىرويىن اسقاقتاتىپ ءجۇر. اسىرەسە, ماعان وسى مۋزىكا مەكتەبىندە وقيتىن بالالارعا ساباق بەرەتىن ۇستازداردىڭ كاسىبي بىلىگى جوعارى ەكەندىگىن ايتقىم كەلەدى. ويتكەنى, ساحناعا شىعىپ ونەر كورسەتكەن جاسوسپىرىمدەردىڭ بارلىعى ساز اسپاپتارىن شەبەر ورىندايدى, – دەيدى وسپان سۇلەيمەنوۆ. ايتۋلى شارا سوڭى مۋزىكالىق مەكتەپتە ءتالىم الىپ جاتقان وقۋشىلار جانە ۇستازداردىڭ قاتىسۋىمەن ۇلكەن كونتسەرتكە ۇلاستى.

ازامات ەسەنجول

تاعىدا

ۇقساس جاڭالىقتار

پىكىر ۇستەۋ

Back to top button