ەۋروپالىق فەستيۆال كوميتەتiنىڭ قولداۋىمەن العاش رەت استانادا حالىقارالىق دەڭگەيدەگi «FIESTALONIA-قازاقستان» فەستيۆالى جالاۋىن كوتەردى.
بەيسەنبى كۇنى وقۋشىلار سارايىندا حالىقارالىق كونكۋرستىڭ سالتاناتتى اشىلۋ ءراسىمى ءوتتى. كەشتى اشىپ بەرگەن استانا قالاسى ءبىلىم باسقارماسىنىڭ باسشىسى ەلميرا سۋحانبەرديەۆا: «بۇل ەۋروپالىق فەستيۆال تمد ەلدەرiندە العاش رەت ءوتiپ جاتىر. وسى كونكۋرستى وتكiزۋ مارتەبەسى استاناعا بۇيىرعانى – بiز ءۇشiن ۇلكەن قۋانىش. جوعارى دەڭگەيدە ۇيىمداستىرۋىمىزعا قولداۋ كورسەتكەن يسپانيانىڭ قازاقستان رەسپۋبليكاسىنداعى ەلشىلىگىنە ەرەكشە العىسىمىزدى بىلدىرەمىز. بايقاۋعا قاتىسۋشى 600 ونەرپازعا ساتتiلiك تiلەيمiن. ءبiزدى تەك تاماشا ونەرمەن, كوركەمدىكتەرىڭىزبەن ءتانتى ەتىڭىزدەر, تاڭ قالدىرىڭىزدار» – دەپ كوپشىلىككە ءسوزىن ارنادى.
سودان سوڭ حورەوگرافيا, اسپاپتى مۋزىكا, ۆوكالدىق ورىنداۋشىلار اتتى جەكەلەگەن بولىمدەردە ونەر كورسەتەتىن قاتىسۋشىلاردى باعالايتىن قازىلار القاسى تانىستىرىلدى. بيشىلەرگە شمانوۆ قايرات, سۇلتانباي قوسمانوۆ, رينات مۋسين, دجەرمانو رە روسي, دەۆيد دجاپاريدزە, مۋزىكالىق اسپاپتا وينايتىندارعا ەرنار مىڭتاەۆ, اكىم مۇحاتجانوۆ, ستەفانو مالفەراري جانە انشىلەرگە روزا تىلەنديەۆا, ەلەنا كوروبەينيكوۆا, گۇلميرا قۇتتىباداموۆا, دجان لۋكا پاسوليني تورەلىك جاسايتىن بولدى.
«وسىنداي قۋانىشتى ساتتە قازاقستاندىقتارمەن قاۋىشقانىما ريزامىن. اتالمىش فەستيۆال جاس ونەرپازداردىڭ ەۋروپاعا, ودان سوڭ الەمگە دەگەن كوزىن اشادى» دەگەن يسپانيالىق دەۆيد دجاپاريدزە كەشتەن سوڭ قاتىسۋشىلارعا ارنايى شەبەرلىك ساباعىن وتكىزدى.
«ەگەر ەرتەگى قىزىقتى بولسا, ول ەشقاشان ۇمىتىلمايدى» دەگەن سوزىمەن كونكۋرستىڭ جارقىن ساتتەرگە تولى بولۋىنا تىلەكتەستىك ءبىلدىرىپ, يسپانيانىڭ قازاقستانداعى ەلشىسى العىس حاتىن جولداپتى.
فەستيۆال جەڭiمپازدارىنا «ەۋروپالىق ونەر فەستيۆالiنiڭ جەڭiمپازى» دەگەن اتاق بەرiلەدi.
