جاڭالىقتار

وڭىرلەر ءونىمى – ءوتىمدى

رىسگۇل قاۋعاباەۆا, استانا قالاسى كاسىپكەرلىك جانە ونەركاسىپ باسقارماسى باستىعىنىڭ ورىنباسارى:

– ۇلىستىڭ ۇلى كۇنى – ناۋرىزدى مەرەكەلەۋ بيىل بۇرىن-سوڭدى بولماعان وزگەشە جاعدايدا وتكىزىلمەك. ەرەكشەلىگى, ەلوردالىقتاردى مەرەكەمەن قۇتتىقتاۋعا ەلىمىزدىڭ 8 ايماعى كەلمەك. اتاپ ايتساق, ولار – پاۆلودار, الماتى, اقمولا, قوستاناي, سولتۇستىك قازاقستان مەن وڭتۇستىك قازاقستان, قاراعاندى وبلىستارى مەن الماتى قالاسى. سونداي-اق, «قازاق ەلى» مونۋمەنتىنىڭ الدىنداعى الاڭدا وتەتىن جارمەڭكەگە استانانىڭ 14 كاسىپورنى قاتىسىپ, ءوز ونىمدەرىن كوپشىلىك نازارىنا ۇسىنباق. قالالىق اكىمدىكتىڭ الدىنداعى ورتالىق الاڭدا دا ۇلكەن مەرەكەلىك شارا ۇيىمداستىرىلادى.

– جارمەڭكەدە قانداي ونىمدەر ساتىلادى؟ ءارى وعان كەلگەن قوناقتارعا ارنايى مەرەكەلىك شارا ۇيىمداستىرىلادى ما؟

– اتالمىش جارمەڭكەگە 8 وڭىردەن 150 توننادان استام ءونىم جەتكىزىلەدى. ونىڭ ىشىندە اۋىلشارۋاشىلىق جانە جەرگىلىكتى كاسىپورىندار تاۋارلارى ارزان باعامەن ساتىلادى. ماسەلەن, قاراعاندىلىقتار «توپار» جىلىجايىندا وسىرگەن كوكونىستەرىن ارزان باعامەن ساتادى. ول – ەكولوگيالىق تازا ءونىم. سونداي-اق, قوستانايدىڭ «دەپ» شارۋاشىلىعى اكەلەتىن ءسۇت ونىمدەرى, ۇن, ەت باعالارى ونشا قىمبات ەمەس. بۇلاردان بولەك ءار ايماقتىڭ ەلوردالىقتارعا ارنايى تارتۋى بار. ولار – كونتسەرتتىك باعدارلامالار مەن سپورتتىق جارىستار.
جالپى, مۇنداي جارمەڭكە قالا تۇرعىندارى ءۇشىن تاڭسىق ەمەس. سەبەبى, بۇعان دەيىن دە بىرنەشە مارتە وتكىزىلگەن بولاتىن. مەرەكەنىڭ تاعى ءبىر ەرەكشەلىگى – ساۋدا دۇڭگىرشەكتەرى كۇمبەزدى بولادى. الاڭعا كەلگەن استانالىقتار مەن قوناقتار باۋىرساق, ناۋرىز كوجە مەن پالاۋدان ءدام تاتا الادى.

– ايتىڭىزشى, قالا بازارلارى مەن ويىن-ساۋىق ورتالىقتارىنىڭ ناۋرىزعا دايىندىعى قالاي؟
– البەتتە, ەلىمىزدىڭ ءتول مەرەكەسىن مەرەكەلەۋگە قالانىڭ ويىن-ساۋىق ورتالىقتارى مەن بازارلارى دا زور ۇلەسىن قوسپاق. ماسەلەن, بۇگىن «شاپاعات» كوممۋنالدىق بازارى ناۋرىز تويىن جاساپ جاتىر. سول سياقتى باسقا دا ۇجىمدار قاراپ قالماسى انىق.

اينۇر شوشاەۆا

تاعىدا

ۇقساس جاڭالىقتار

پىكىر ۇستەۋ

Back to top button