وڭىرلىك قاتىناستار وزەگى ندەي
كەشە تاشكەنتتە قازاقستان پرەزيدەنتى نۇرسۇلتان نازارباەۆ رەسمي ساپار اياسىندا وزبەكستان پرەزيدەنتى يسلام كاريموۆپەن كەزدەستى.
مەملەكەت باسشىلارى ەكونوميكالىق, عىلىمي-تەحنولوگيالىق جانە مادەني-گۋمانيتارلىق ءوزارا ءىس-قيمىل اسپەكتىلەرىن تالقىلادى. سونداي-اق, حالىقارالىق جانە وڭىرلىك كۇن تارتىبىندەگى وزەكتى ماسەلەلەر جونىندە پىكىر الماستى. قازاقستان پرەزيدەنتى بۇل كەزدەسۋ ي.كاريموۆتىڭ بىلتىرعى ساپارى اياسىندا جۇرگىزىلگەن قازاقستان-وزبەكستان كەلىسسوزدەرىنىڭ جالعاسى بولىپ سانالاتىنىن اتاپ ءوتتى.
– قازاقستان مەن وزبەكستان – وڭىرىمىزدەگى بەيبىتشىلىكتى, قاۋىپسىزدىكتى, ساۋدا مەن ءال-اۋقاتتىڭ اقوردا ارتۋىن قامتاماسىز ەتەتىن نەگىزگى مەملەكەتتەر. ءبىز ورتاق جاۋاپكەرشىلىكتى تەرەڭ سەزىنە وتىرىپ, جاعدايعا كەلىسسوزدەر جولىمەن ىقپال ەتۋگە ۇمتىلامىز. وڭىردە سۋ رەسۋرستارى, ەنەرگەتيكا, ازىق-تۇلىك جونىندە بىرقاتار ماسەلەلەر بار, حالىقارالىق تاجىريبەدەگىدەي, ءبىز ونى باسقا مەملەكەتتەردىڭ ارالاسۋىنسىز ءوزىمىز شەشۋگە ءتيىسپىز, – دەدى نۇرسۇلتان نازارباەۆ.
مەملەكەت باسشىسى قازاقستان مەن وزبەكستان اراسىنداعى ەكىجاقتى قارىم-قاتىناستاردا ەشقانداي داۋلى ماسەلەلەر جوق ەكەنىن اتاپ ءوتتى.