ەكسپو-2017 رەسپۋبليكالىق شتاب جۇمىسىنىڭ نەگىزگى ماقساتى «Online Expo-2017» جوبالارىن جانە حالىقارالىق «جاسىل» يننوۆاتسيا بايقاۋىن ۇيىمداستىرۋ مەن وتكىزۋگە قولداۋ كورسەتۋ ماقساتىندا قۇرىلعان رەسپۋبليكالىق شتاب جۇمىسىن باستادى. شتاب 24 قازاندا اياعىندا «بولاشاق ەنەرگياسى: اۋاعا شىعارىلاتىن كومىرقىشقىل گازى مولشەرىن ازايتۋ» تاقىرىبىنداعى ءى حالىقارالىق فورۋم اياسىندا جەتەكشى ۇكىمەتتىك ەمەس ۇيىمدار, دامۋ ينستيتۋتتارى, مەملەكەتتىك ورگاندار باستاماسىمەن قۇرىلعان. بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە ءمالىم «استانا ەكسپو-2017» ۇك» اق باسقارۋشى ديرەكتورى سالتانات راحىمبەكوۆا ءمالىم ەتتى.
«رەسپۋبليكالىق شتابتىڭ ميسسياسى ەنەرگيا ۇنەمدەۋ باعىتىندا ەلىمىزدىڭ بارشا عىلىمي الەۋەتىن بىرىكتىرۋگە, ءتيىمدى جوبالاردى ايقىنداۋعا ارنالعان. وسى ورايدا بۇل جوبالاردى جۇزەگە اسىرۋعا قولداۋ كورسەتىلەدى. بۇل تۇرعىدا ەكسپو-2017 كورمەسىنىڭ كونتەنتى ساپالى جوبالارمەن تولىعادى» دەپ اتاپ ءوتتى س.راحىمبەكوۆا.
بايقاۋ ەكسپو-2017 كورمەسىنە الدىن الا جوبالار مەن يننوۆاتسيالاردى ىرىكتەپ الۋعا باعىتتالعان.كورمە باستالعانعا دەيىن جىل سايىن بايقاۋ قورىتىندىسى بويىنشا 2015, 2016 جانە 2017 جىلدارى استانا ەكونوميكالىق فورۋمىنىڭ اياسىندا ميني-ەكسپو كورمەسىن وتكىزۋ جوسپارلانىپ وتىر.
س.راحىمبەكوۆا قازاقستاندىق بيزنەس وكىلدەرىن ەكسپو-2017 جوبالارىنا بەلسەندىرەك قاتىسۋعا شاقىرىدى. ولەلباسىنىڭ تاپسىرماسى بويىنشا ەكسپو-2017 قۇرىلىسىنا الداعى جىلى قوسىمشا 40 ملرد تەڭگە باعىتتاۋ جوسپارلانعانىن ەسكە سالىپ, بۇل قارجى «بايتەرەك» اق ارقىلى جوبالاردى نەسيەلەندىرۋگە باعىتتالاتىنىن جەتكىزدى.
