اسپاندى قارا بۇلت باسقان. بوراعان وقتار, اتقىلاعان بومبالار. بۇل – سۇراپىل سوعىس جىلدارى. قانتوگىستە قانشاما ادام قىرىلدى. وسى جىلدارى ەلى, جەرى ءۇشىن كۇرەسكەن ءار سارباز ءالى حالىق اۋزىندا. ولاردىڭ قاتارىندا مەنىڭ دە اتالارىم بولدى.
ءبىزدىڭ اۋلەتتەن ءۇش اعايىندى قابىل قاسەنوۆ, ايماعانبەت پەن اسەن جۇنىسوۆتەر سوعىسقا اتتاندى. قابىل اتام ماسكەۋدەگى سمولەنسك اتقىشتار ديۆيزياسى قۇرامىندا بولدى. ول الدىندا كەلە جاتقان نەمىس تانكىسىنە وقشا اتىلىپ, گراناتاسىمەن بىرگە ءوز جانىن پيدا ەتتى. سونىڭ ارقاسىندا قانشاما جاۋىنگەر امان قالدى. وعان ۇيىندە تۇرعان ماقتاۋ قاعازى دالەل.
ايماعانبەت اتام ستالينگراد تۇبىندە, دنەپردى الۋ جولىندا كۇرەسكە شىقتى. سول مايداندا كوپتەگەن قازاق جاۋىنگەرلەرىمەن بىرگە مەنىڭ دە اتام وپات بولدى.
اسەن اتام سوعىستىڭ العاشقى كۇندەرىندە-اق برەست تۇبىندە ەرلىكپەن قازا تاپتى. ول تۋرالى ءالى دە ءتىرى, اتامنىڭ جان دوسى, وزىمەن بىرگە بولعان جۇمات عاپپاسوۆ اتامىزدىڭ اۋزىنان ەستىدىك.
ايتىپ كەتكەن ءۇش اتام ەشقانداي قارسىلىقسىز, «ءوز ەلىمىز ءۇشىن وتقا دا تۇسەمىز!» دەگەن رۋحپەن سوعىسقا اتتانعان.
اعايىندىلاردىڭ اكەسى نۇرماق اتامنىڭ ەڭبەگى – ءبىر توبە. ول سوعىسقا بارماسا دا, سوعىسقا كەتكەن ازاماتتاردىڭ جەتىم بالالارىن ءوز قولىنا الىپ, باعىپ-قاقتى. وسى بالالار ءۇشىن كوكشەتاۋداعى كىشكەنەكول اۋىلىندا, قىستاۋاعاشتا, ۇيالىدا مەكتەپتەر سالعىزىپ, جانىنان ينتەرناتتار تۇرعىزدى. بالالاردى كيىم-كەشەكپەن, تاماقپەن قامتاماسىز ەتتى. ول اسىراعان بالالار قازىر قاريالىققا جەتىپ وتىر. ولار سوعىس قاسىرەتىن كورسەتپەگەنى ءۇشىن, اكەنىڭ ورنىنا اكە بولعانى ءۇشىن ءالى كۇنگە دەيىن نۇرماق اتاما العىستارىن ايتىپ وتىرادى.
ءامىر ارىستان,
دارىندى ەر بالالارعا ارنالعان
قازاق-تۇرىك ليتسەي-ينتەرناتىنىڭ
8-سىنىپ وقۋشىسى
