قازاقستان مۇسىلماندارى ءدىني باسقارماسى توراعاسىنىڭ ورىنباسارى, «نۇر استانا» مەشىتىنىڭ باس يمامى قاليجان زاڭقوەۆ پەن استانا قالاسى ءدىن ىستەرى دەپارتامەنتىنىڭ ديرەكتورى جورابەك داۋرەنوۆ كەزدەسىپ, اعىمداعى جۇمىس بارىسى جونىندە بايىپتى اڭگىمە جۇرگىزدى.
استانا قالاسىندا بۇگىندە جۇمىس جۇرگىزىپ تۇرعان جەتى مەشىتتىڭ بارلىعى دا «قازاقستان رەسپۋبليكاسىنداعى ءدىني قىزمەت جانە ءدىني بىرلەستىكتەر تۋرالى» زاڭنىڭ تالاپتارىنا سايكەس قۇرىلتاي قۇجاتتارىنا ءتيىستى وزگەرىستەر ەنگىزۋ پروتسەسىن اياقتاپ, قالالىق ادىلەت دەپارتامەنتىندە ەسەپتىك قايتا تىركەۋدەن وتكەن.
كەزدەسۋ بارىسىندا «نۇر استانا» مەشىتىنىڭ يمامى قاليجان بايىربەكۇلى قالامىزداعى «تەمىرجولشىلار» مەشىتىنىڭ اتاۋى «ءاس-سالام» مەشىتى, «شۇبار» مەشىتىنىڭ اتاۋى «ءال-عاني» مەشىتى بولىپ وزگەرتىلگەنىن, «تولەباي» مەشىتى قمدب فيليالى بولعانىن حاباردار ەتتى.
سونىمەن قاتار, كەزدەسۋ بارىسىندا قالاداعى ءدىني احۋال جايىندا ورەلى اڭگىمە ءوربىپ, الداعى قازان ايىندا ءوتۋى جوسپارلانعان ءدىني قىزمەتكەرلەردىڭ بىلىكتىلىگىن ارتتىرۋ كۋرستارىنىڭ باعدارلاماسى پىسىقتالدى.
