باستى اقپاراتەكونوميكا

ءوز ونىمدەرىمىز ءوتىمدى

مادەين كاز

ەلباسى ن.نازارباەۆ ۇكىمەتتىڭ كەڭەيتىلگەن وتىرىسىندا وتاندىق وندىرۋشىلەردى قولداۋعا شاقىرىپ, «قازاقستاندا جاسالعان» اكتسياسىن قولعا الۋ ماسەلەسىن كوتەرگەن بولاتىن. كوپ ۇزاماي جاپپاي ءىرى ساۋدا جەلىلەرىندە وتاندىق تاۋارلار ەڭ كورنەكتى ءارى ىڭعايلى جەرگە ورنالاستىرىلىپ, ءونىمنىڭ تۇتىنۋشىسىنا جەتۋىنە جەتە ءمان بەرىلدى. اكتسيا بارىسىندا انىقتالعانداي, نان-توقاش جانە ۇن, ماكارون, كونديتەرلىك ونىمدەرگە, نان, ەت-ءسۇت, ۇنتاق جارما, جۇمىرتقا تاعى باسقا كۇندەلىكتى تۇتىناتىن ازىق-تۇلىك توبىندا تەك وزىمىزدە وندىرىلگەن ونىمدەردىڭ ءوتىمدى ەكەنىنە كوزىمىز جەتتى.

وتاندىق تاۋارلاردى ناسيحاتتاۋ تەك سورەلەردى ءوز ونىمدەرىمىزبەن تولتىرۋ عانا ەمەس, ورتا جانە شاعىن بيزنەستى قولداۋ بولىپ تابىلادى. ال شاعىن جانە ورتا بيزنەس – تۇرعىنداردىڭ تابىسىن ارتتىراتىن جانە ەڭبەكپەن قامتاماسىز ەتەتىن ناقتى سالا. استانا قالاسى بويىنشا 60 مىڭعا جۋىق  شاعىن جانە ورتا بيزنەس سۋبەكتىلەرى بەلسەندى  جۇمىس ىستەۋدە. وندا 233 مىڭ ادام ەڭبەك ەتەدى ەكەن. ايتا كەتسەك, وتكەن جىلدىڭ وزىندە عانا شاعىن جانە ورتا بيزنەس سالاسىندا 34 مىڭ جاڭا جۇمىس ورىندارى قۇرىلىپتى.

– ەل پرەزيدەنتىنىڭ ۇندەۋىنەن كەيىن, «قازاقستاندا جاسالعان» اكتسياسىن العاش­قىلاردىڭ ءبىرى بولىپ «ا2» سۋپەرماركەتتەر جەلىسى قولداپ, دۇكەندەرىنىڭ بىرىندە ارنايى پروموۋشن سورە اشتىق. قالاداعى جەتى بىردەي دۇكەنىمىزدە كوپ ساتىلاتىن تاۋارلاردىڭ دەنى تەك وتاندىق ونىمدەر. وسىدان ەكى جىل بۇرىن عانا باستالعان كاسىبىمىزدىڭ وركەندەۋىنە ءوزىمىزدىڭ ەلدە وندىرىلگەن تاۋارلاردى ساتۋدان تۇسكەن پايدانىڭ ۇلەس سالماعى ەلەۋلى بولدى دەسەك جاڭىلماسپىز, – دەيدى «ا2» سۋپەرماركەتتەر جەلىسىنىڭ  اكىمشىسى  كۇمىس تولىبەك.

«قازاقستاندا جاسالعان» اكتسياسىن قولداعان قالالىق سۋپەرماركەتتەردىڭ قاتارىندا «باحۋس-تسەنتر» دە بار. وعان قاراستى «5 مينۋت» ساۋدا ورىندارى قا­لالىقتارعا جاقسى تانىس. «قازاقستاندىق ونىمدەردىڭ ساپاسى مەن باعاسى جانە ونىڭ لايىقتى بەزەندىرىلۋى تۇتىنۋشىلاردىڭ ويىنان شىعۋى ءتيىس» دەيدى وسى ورتالىقتىڭ ديرەكتورى ۆالەنتينا كاتسەندورف. – شەتەلدىك باسەكەلەستەرمەن سالىستىرعاندا, قازاقستاندىق وندىرۋشىلەر كوش باستاپ كەلەدى. ۇن-بيداي ونىمدەرى بو­يىن­شا تەك قازاقستاندىق وندىرۋشىلەرمەن جۇمىس ىستەيمىز. ساتىلىمداعى نان-ماكارون ونىمدەرىنىڭ 100 پايىزى وتاندىق ونىمنەن تۇرادى. جارما, وسىمدىك مايى بويىنشا قازاقستاندىق وندىرۋشىلەردىڭ  تاۋارلارى 65 پايىزدى قۇرايدى. ال باقشا ونىمدەرى جانە جىلقى, سيىر, قوي ەتى تۇگەلدەي وسى توڭىرەكتەن كەلەدى. ءبىزدىڭ دۇكەن جەلىلەرىندە ءتيىمدى لوگيس­تيكا جولعا قويىلعان. تۇتىنۋشىلارىمىزعا باعاسى جاققان ءونىم­دەردىڭ دۇكەن سورەلەرىنەن ۇزىلمەۋىن قاداعالايمىز. ونداي تاۋارلاردىڭ تۇسىنا  «قازاقستاندا جاسالعان» دەگەن ءتۇرلى-ءتۇستى جارناما جازۋلار جازىلىپ قو­يىلادى. بۇل قازاقستاندىق ءونىمدى ەرەكشەلەپ, تار­تىمدىلىعىن ارتتىرادى. ەگەر جاڭا ءونىم شىقسا دا, ونىڭ  تۇتىنۋشىلارىنا تەز جە­تۋىنە بارلىق جاعداي جاساپ, جارناماسىنا كوڭىل بولەمىز, -دەيدى ديرەكتور.

– باستامانىڭ ءوزى كوڭىلگە ماقتانىش ۇيا­لاتادى. ءوز جەرىمىزدە وندىرىلگەن ءونىمنىڭ قادىرىن ارتتىراتىن وسى يدەيانى ەلباسى
تەگىن كوتەرىپ وتىرعان جوق. سەبەبى, ءبىزدىڭ اۋىل شارۋاشىلىعى ونىمدەرىمىز ەكولوگيالىق تۇر­­عىدان تازا دەپ باعالانادى. ياعني, «جاسىل ەكو­نوميكا» دەگەن ۇعىممەن ۇشتاسىپ, ءتۇرلى حي­ميالىق زاتتارمەن, دامدەۋىشتەر مەن ساقتاۋ مەرزىمىن ارتتىراتىن زاتتارمەن بۇلىنبەگەنى ءۇشىن وسى  تالاپقا ساي كەلىپ وتىر. بۇل – ءبىزدىڭ ونىمدەردىڭ ساپاسىنىڭ بەلگىسى. دەگەنمەن, باسەكەگە ساي بولىپ, نارىق شەڭبەرىن كەڭەيتۋ ءۇشىن مەملەكەت تاراپىنان ءتۇرلى سالىقتىق جەڭىلدىكتەر, سۋبسيديالار تاعى باسقا دا قولداۋ شارالار كورسەتىلسە, ءبىزدىڭ ەلدىڭ ءونىمى ۇلكەن نارىقتا ءوز  ورنىن تاۋىپ, باسەكەگە توتەپ بەرە الار ەدى, – دەيدى كاسىپكەر مەرۋەرت ابداليەۆا.

ارينە, تۇتىنۋشىلار مەن كاسىپكەر­لەردىڭ دە قولايىنا قاتار كەلگەن باستاما جالعاسىن تابۋدا. ونىڭ ءبىر اكتسيا شەڭبەرىندە قالماي, ءوزىمىزدىڭ ءونىم­دەردى ساتىپ الۋعا دەگەن پاتريوتتىق قۇلشى­نىسىمىزدىڭ قالىپتى داستۇرگە اينالاتىن كۇنى دە الىس ەمەس دەپ بولجايمىز.

 

ايگۇل ۋايسوۆا

تاعىدا

ايگۇل ۋايسوۆا

اقپارات سالاسىنىڭ ۇزدىگى

ۇقساس جاڭالىقتار

پىكىر ۇستەۋ

Back to top button