پرەزيدەنت پارمەنى

وزگەلەرگە ونەگەمىز

«ءبىزدىڭ باستى جەتىستىگىمىز – تاۋەلسىز قازاق­ستان­­دى­­­ قۇرعانىمىز. ءبىز شەكارامىزدى زاڭدىق تۇرعىدان ءراسىم­دە­دىك.­­ ەلدىڭ تۇتاستاندىرىلعان ەكونو­ميكالىق كەڭىس­تى­گىن قۇردىق». ەلباسى نۇرسۇلتان نازار­­باەۆ «قازاقستان-2050» ستراتەگياسى: قالىپ­تاس­­قان مەم­لەكەتتىڭ جاڭا ساياسي باعىتى» اتتى قازاقستان حالقىنا ارناعان بيىلعى جولداۋ­ىن­دا وسىلاي دەدى.

ءيا, كەڭەس وداعى قۇلاعاننان كەيىن ەلىمىز ءوزىنىڭ كوشىن تۇزەدى. ءتۇرلى كەدەرگىلەردى جەڭىپ, قيىن­دىق­­تاردى ارتقا قالدىردى. ءبۇ­گىن­­­دە­ قازاقستان باسەكەگە قابى­لەت­­تى مەم­لەكەت رەتىندە دامۋعا قول سوزۋدا. بۇكىل الەمدە ءوز ورنى, بەدەل بيىگى بار ىرگەلى مەملەكەتكە اينالدى.

قازىرگى تاڭدا الەم ەلدەرى قازاق­­­ستان­عا كوز تىگىپ وتىر. دۇنيە­­جۇزى ساراپشىلارى ارا­سىن­­­دا «قازاقستاندىق ۇلگى» تەر­مينى پايدا بولدى. بۇعان مىسال كوپ. 17 مىڭ ارالدىڭ ەلى اتالاتىن يندونەزيانىڭ استا­ناسى جاكارتا قالاسىنداعى پان­كا­سيلا ۋنيۆەرسيتەتىنىڭ ەكو­نو­ميكا فاكۋلتەتىندەگى باس­قارۋ ماسەلەلەرى جونىندەگى دە­پار­تا­مەنت­تىڭ پروفەسسورى, ەكونوميكا, شە­شەندىك ونەر, مەنەدجمەنت تاقى­رىبىنا قاتىستى 4 كىتاپتىڭ, 15-كە جۋىق ماقالا مەن زەرت­تەۋ­ ەڭبەكتەرىنىڭ اۆتورى گاتۋت لۋحۋر بۋديونودان بىلتىرعى جىلى ەلىمىزگە كەلگەن ساپارىن­دا­ سۇحبات العانىمدا ءوز ەلىنىڭ جاع­دايىن قازاقستانمەن سالىستى­را­ كەلىپ, ول بىلاي دەگەن ەدى: «ءبىز­­دىڭ ەلدە حالىقتىڭ الدىمەن باس­ قاتىراتىن ماسەلەسى – ازىق. ياعني, كۇن سايىنعى تاماعىن تاۋىپ جەۋدى كوبىرەك ويلايتىن تۇر­عىن­داردىڭ ويداعىداي ءبىلىم الۋلارىنا جاعدايلارى جوق. ءبىلىم قۋىپ, وقۋدىڭ قىر-سىرىن مەڭگەرۋگە ۇمتىلعاندار دا جوق ەمەس, بىراق وندايلار از. اۋىلدىق جەرلەردە تۇراتىنداردىڭ كوبى مۇعالىم بولىپ جۇمىس ىستەۋگە ۇمتىلادى. جوعارى بىلىمگە قول سوزعاندار بىلىكتىلىگىن ودان ءارى دامىتۋ ءۇشىن كورشى قالالاردا وقۋىن جالعاستىرادى. الايدا ەلدىڭ 100 ميلليونعا جۋىق تۇرعىنى كەدەيشىلىكتە ءومىر سۇرۋدە. ەلىمىز 1990-1991 جىلدارى ەكونوميكالىق اۋىر داعدا­رىس­تى باسىنان كەشىردى. كەڭىنەن تاراعان پاراقورلىق پەن بيۋ­رو­ك­راتيا دا يندونەزيانىڭ وي­دا­عىداي دامىپ, وركەندەۋىنە قولبايلاۋ بولىپ وتىر. سونىمەن بىرگە, يندونەزيادا ءجيى بولىپ تۇراتىن سۋ تاسقىنى مەن ءزىل­زالا دا حالىقتىڭ الەۋمەتتىك جاعدايىنىڭ جاقسى دەڭگەيگە كوتەرىلۋىنە كەرى اسەرىن تيگىزۋدە.

ال ءسىزدىڭ ەلدىڭ تۇرعىندارى ەر­تە­دەن كەشكە دەيىن ەڭبەك ەتە­دى­ ەكەن. تۇرعىندارى مۇنداي ىرعاقپەن جۇمىس ىستەيتىن مەملە­كەت دامۋدىڭ بيىك شىڭىنا جەتە الادى دەپ ويلايمىن. جالپى يندو­نە­زيا­لىقتاردىڭ كوبى قازاق-­ستان­دى جاقسى بىلەدى. سىزدەردىڭ ەل­با­سى­ڭىز­دىڭ سۋرەتى ءبىزدىڭ ەلدىڭ كەي­بىر­ قالالارىنىڭ كوشەلەرىندە ءىلۋلى تۇر. ءسىرا, قايبىر جىلدارى مەملەكەت باسشىلارىنىڭ باس­قو­سۋى وتكەن كەزدە ىلىنگەن شىعار. جالپى الەم ەلدەرى نۇرسۇلتان نازارباەۆتى جاقسى بىلەدى, قۇرمەتتەيدى.

مەنىڭ بىلۋىمشە, ءبىزدىڭ ەل ءسىز­دىڭ ەلدىڭ ەكونوميكالىق دامۋ ءۇردى­سىن وزىنە ۇلگى ەتەدى. جوعارى دامۋعا ۇمتىلۋشى ەڭبەكقور ەل رەتىندە قۇرمەت تۇتادى. ءسىزدىڭ ەل­ – وتە باي ەل. حالىقتىڭ الەۋمەت­تىك­ جاعدايىنىڭ وتە جاقسى ەكەن­دىگىن كوردىم. ءبىزدىڭ ەلمەن سالىس­تىر­عاندا سىزدەردە باي, داۋلەتتى ادامدار كوپ».

از-كەم ۋاقىتتىڭ ىشىندە وتكەن كەزدەسۋدە يندونەزيالىق پروفەسسور ەلباسىمىز نۇرسۇلتان نازار­باەۆ­تىڭ قازاقستان حالقىنا جىل سايىن ارنايتىن­ جولداۋىنىڭ ماندىلىگىن, كورەگەن ساياساتكەرلىگى مەن ەلىمىز تۇرعىندارىنىڭ ەڭبەك­قورلىعىن قايتالاپ ايتۋمەن بولدى. ول دامۋدىڭ جوعارى ساتىسىنا قول سوزۋشى قازاقتاي ۇلتتىڭ دارحاندىعىنا تاڭداي قاققان جالعىز گاتۋت لۋحۋر بۋديونو ەمەس, ونداي شەتەلدىكتەر كوپ.

ويتكەنى, ۇلتتىق ەكونوميكاسى قارىشتاپ دامۋ ساتىسىنداعى ەلدىڭ الەۋمەتتىك احۋالى دا جاقسى بولماق. «مىقتى مەملەكەت كۇن­كو­رىس ساياساتىمەن ەمەس, جوس­پار­لاۋ ساياساتىمەن, ۇزاقمەرزىمدى دامۋ­مەن جانە ەكونوميكالىق وسۋمەن اينالىسادى». بۇل دا ەلبا­سىمىزدىڭ جولداۋىنداعى ءسوزى. ولاي بولسا, پرەزيدەنتىمىز نۇرسۇلتان نازارباەۆتىڭ جول­داۋ­ىن­­دا­عى مەملەكەتىمىزدىڭ ەرتە­ڭى­نە باعىت سىلتەر ويلارى جۇزەگە اسا بەرەتىنىنە سەنىم مول. سەبەبى, ەلدىڭ جارقىن بولا­شاعىنىڭ ءار كىرپىشى ۇلكەن سەنىممەن عانا قالانادى.

جانار نۇرعاليەۆا,
زاڭ شىعارۋ ينستيتۋتى
لينگۆيستيكا ورتالىعىنىڭ
عىلىمي قىزمەتكەرى

تاعىدا

ۇقساس جاڭالىقتار

پىكىر ۇستەۋ

Back to top button