تۇڭعىش پرەزيدەنت كۇنىنىڭ قارساڭىندا «نۇر وتان» پارتياسى استانا قالالىق فيليالىندا پارتيا مۇشەلىگىنە سالتاناتتى قابىلداۋ شاراسى بولىپ ءوتتى.
«نۇر وتان» پارتياسىنىڭ 45 مۇشەسىنە استانا قالالىق فيليالى توراعاسىنىڭ ءبىرىنشى ورىنباسارى ساپار احمەتوۆ جاڭا ۇلگىدەگى پارتيالىق بيلەتتەردى تابىستادى.
«قۇرمەتتى پارتيامىزدىڭ مۇشەلەرى! سىزدەر بۇگىن «نۇر وتان» پارتياسىنىڭ قاتارىن تولىقتىرا وتىرىپ, وزدەرىڭىزگە ۇلكەن جاۋاپكەرشىلىك جۇكتەدىڭىزدەر. ءبىزدىڭ قىزمەتىمىزگە قاراپ حالىق پارتياعا باعا بەرەدى. مەن سىزدەرگە وسى ماڭىزدى مىندەت جولىندا تەك ساتتىلىك تىلەيمىن» دەپ ىزگى نيەتىن ءبىلدىردى ساپار احمەتۇلى. پارتيا مۇشەلىگىنە قابىلدانعانداردىڭ اراسىندا قازاق ەكونوميكا, قارجى جانە حالىقارالىق ساۋدا ۋنيۆەرسيتەتىنىڭ رەكتورى سارسەنعالي ءابدىماناپوۆ, «حالىق بانكى» استانا فيليالى ديرەكتورىنىڭ ورىنباسارى جانار راحيموۆا, «استانا» ۇلتتىق سۋرەت گالەرەياسى ديرەكتورىنىڭ ورىنباسارى ەرمەك راحيموۆ, «تاۋەلسىزدىك سارايى» مقۇ جوبالار جۇمىسىنىڭ مەنەدجەرى رينات الجانوۆ, «تامارا ترەند» جشس ديرەكتورى سالاۆات بەركىنوۆ, «نۇر تاۋ بو» جشس ديرەكتورى بازارحان مولداعوجين جانە ەۇۋ ستۋدەنتتەرى بار.
ايتا كەتەتىن جايت, مۇنداي سالتاناتتى قابىلداۋلار ەلىمىزدىڭ بارلىق وڭىرلەرىندە وتكىزىلدى. بۇگىن پارتيا قاتارىنا 1000 قازاقستاندىق قابىلداندى.
