قازىرگى كەزدە استانا قالاسىنىڭ اۋداندارىندا «ەسىل-وركەن», «سارىارقا-وركەن», «الماتى-وركەن» باسقارۋشى كومپانيالارى قۇرىلدى. قۇرىلتايشىسى – «وركەن قالا» جشس. اتالعان كومپانيا جۇمىسىنىڭ ماقساتى – تۇرعىن ءۇي قاتىناستارىنىڭ جاڭا جۇيەسىن قۇرۋ. وسىلايشا, باسقارۋشى كومپانيالار بەلگىلى ءبىر جوبالار ازىرلەپ, وسى بويىنشا پيك-تەر دە جۇمىس ىستەي الادى.
بۇگىندە حالىقتىڭ پيك-تەرگە تولەيتىن قارجىسىنىڭ 70%-عا جۋىعى ولاردىڭ قىزمەتكەرلەرىن ۇستاۋعا كەتسە, تەك 30%-ى عانا تۇرعىن ءۇي قاجەتتىلىگىنە جۇمسالادى ەكەن. سوندىقتان, وسى ولقىلىقتىڭ ورنىن تولتىرۋعا ۇمتىلعان باسقارۋشى كومپانيالار سەرۆيستىك كومپانيالارمەن ىنتىماقتاستىق ورناتا وتىرىپ, سلەسار, ەلەكترشى, سانتەحنيك, تاعى باسقا دا جۇمىسشىلاردى قىسقارتادى. ەسەسىنە, ولارعا شىعىندالاتىن قارجىنىڭ باسىم بولىگىن تۇرعىن ۇيلەردىڭ ينجەنەرلىك جەلىلەرىن جوندەۋگە, اينالاسىن اباتتاندىرۋعا باعىتتايتىن بولادى.
باسقارۋشى كومپانيانىڭ قىزمەتىنە اۋىسۋ تۋرالى شەشىم پاتەر يەلەنۋشىلەردىڭ باسىم داۋىسىمەن قابىلدانادى. سونداي-اق, پاتەر يەلەرى تولەم ءتاريفىن, كىرەبەرىستەردى, ءۇي ماڭى اۋماعىن, ينجەنەرلىك جەلىلەردى, جىلىتۋ جۇيەلەرىن تازالاۋ جونىندەگى سەرۆيستىك كومپانيالاردى دا وزدەرى تاڭدايدى.
جۇما عازيەۆ
