پرەزيدەنت كۋبوگى: ءتورتىنشى تۋرنير
استانادا وسى اپتانىڭ جۇما كۇنى شايبالى حوككەيدەن قازاقستان رەسپۋبليكاسى پرەزيدەنتىنىڭ كۋبوگى ءۇشىن ءىV حالىقارالىق تۋرنير باستالادى.
«قازاقستان» سپورت سارايىندا وتەتىن ءداستۇرلى جارىسقا قحل چەمپيوناتىندا ونەر كورسەتەتىن «امۋر», «ۆيتياز», «يۋگرا» جانە ءوزىمىزدىڭ «بارىس» كومانداسى قاتىسادى. تۋرنير ويىندارى 9, 10 جانە 12 تامىز كۇندەرى وتەدى.
بۇعان دەيىن قازاقستان رەسپۋبليكاسى پرەزيدەنتى كۋبوگىن 2010 ءجانە 2011جىلدارى «بارىس» (استانا), 2012 جىلى سكا (سانكت-پەتەربۋرگ) كلۋبتارى جەڭىپ العان.
«بارىس» كەشە عانا شۆەيتساريادا وتكىزىلگەن وقۋ-جاتتىعۋ جيىندارىنان ورالدى. دايىندىق بارىسىندا جەرگىلىكتى «داۆوس» كومانداسىمەن ەكى كەزدەسۋ وتكىزدى. ءبىرىنشى ويىندا استانالىقتار 5:2 ەسەبىمەن جەڭىسكە جەتسە, ەكىنشى ويىندا الاڭ يەلەرى 3:1 ەسەبىمەن باسىمدىق تانىتتى.
عالىم قوجابەكوۆ