الەمدى وق پەن وتقا وراعان ەكىنشى دۇنيەجۇزىلىك سوعىس ادامزات جۇرەگىنە جازىلماس جارا سالىپ, قانشاما ادامنىڭ تاعدىرىن تاس-تالقان ەتتى. وتان قورعاۋ ماقساتىمەن مايدانعا اتتانىپ, جانىن سالعان ساربازداردىڭ ءبىرى مەنىڭ اتام ەدى.
اتام دۇيسەنباي بولاتبەكۇلى وڭتۇستىك قازاقستان وبلىسى, تۇلكىباس اۋدانى, قازىرگى اقبيىك اۋىلىندا دۇنيەگە كەلگەن. سوعىسقا دەيىن حالىق-اعارتۋ سالاسىندا جۇمىس ىستەيدى. 1941 جىلى اقتوبەدە 101-اتقىشتار بريگاداسى قاتارىنا شاقىرىلدى. لەنينگرادقا ءبىر جىلدىق بارلاۋ مەكتەبىنە وقۋعا جىبەرىلدى. وقىپ ءجۇرىپ ستارشينا شەنىنە يە بولادى. بىراق, بارلاۋ مەكتەبىن اياقتاۋعا مۇمكىندىك بولماي, التى ايدان سوڭ سوعىسقا اتتانىپ كەتەدى. العاشقى سوعىس جىلدارىندا جاياۋ اسكەر قاتارىندا بولادى. كەيىننەن بارلاۋشى قىزمەتىن اتقارادى. سودان سوڭ ارتيللەرياعا جىبەرىلىپ, سوعىستىڭ الدىڭعى شەبىندە جۇرەدى. بالتىق تەڭىزى جاعالاۋىنداعى شايقاسقا, پريبالتيكانى ازات ەتۋگە قاتىسادى. 1944 جىلى ەستونيانىڭ شاۋلياي قالاسىنىڭ ماڭىنداعى ۇرىستا باسىنا سناريادتىڭ ۇشقىنى ءتيىپ, قاتتى جارالانادى. ارنايى ەمدەلۋ ءۇشىن اسكەري گوسپيتالعا جىبەرىلەدى. التى ايدان كەيىن «سوعىسقا جارامسىز» دەگەن ءتيىستى كوميسسيالىق قۇجات بەرىلىپ, ەلىنە ورالادى.
مەن اتامدى ماقتان ەتەمىن! قازىرگى كەزدە ارداگەرلەر قاتارى سيرەپ بارادى. وسى مايدانگەرلەر بىزگە باقىتتى بولاشاق سىيلادى.
ولجاس دۇيسەنباي,
№53 مەكتەپ-ليتسەيىنىڭ
6-سىنىپ وقۋشىسى
