باستى اقپارات

سايگۇلىكتەر سايىسى

استانا كۇنى مەرەكەسىنە وراي كلاسسيكالىق ات سپورتىنان جارىس ءوتتى. ات جالىن تارتىپ مىنگەن حالىقتىڭ ۇرپاعى ەلوردا تويىندا «قازانات» يپپودرومىندا باپتاپ جۇرگەن سايگۇلىكتەرىن دوداعا قوستى.

ەلباسىنىڭ جۇلدەسى ءۇشىن ءوتىپ جاتقان حالىقارالىق بايگەنىڭ نەگىزگى تالابى – ات سپورتىنىڭ كلاسسيكالىق تۇرىنەن سىنعا ءتۇسۋ. الەمنىڭ 11 مەملەكەتىنەن كەلگەن جانۋارلار ارنايى سيپاتتاعى كەدەرگىلەردەن سەكىرىپ, شاباندوزدار وزارا باق سىناستى. سونىمەن قاتار كلاسسيكالىق ادىسپەن 120 شاقىرىم ۇزاقتىققا جارىستى.

ات سپورتىنىڭ وسى ەكى ءتۇرى وليمپيادالىق ويىندار باعدارلاماسىنا وتكەن عاسىردىڭ باسىندا ەنگەن. ۇزاق قاشىقتىققا جەلەتىن ات جارىسى ءبىز بىلەتىن 30-40 شاقىرىمدىق الامان بايگەدەي ەمەس, مۇندا تۇلپارلار اناعۇرلىم ۇزاققا شابادى. ءاربىر 30 شاقىرىمدى شاۋىپ كەلگەن سوڭ جىلقىنى توقتاتىپ, ماماندار جۇرەك قاعىسىن, قان قىسىمىن,تىنىسىن ولشەيدى. 20 مينۋتتاي تىنىقتىرىپ, سۋىتادى, ازداپ جەمدەپ الۋعا دا بولادى. ال, دەمىن باسا الماي, ارتىق ەنتىككەن جىلقى دەرەۋ جارىستان شىعارىلادى. بۇل جەردە شاباندوزعا دا قويىلاتىن تالاپ مىقتى. تۇلپارعا قامشى باسۋعا بول- مايدى, تاقىممەن تەبىنۋگە دە تىيىم سالىنعان.

قىسقاسى, اتتى قيناۋعا رۇقسات جوق, مەجەلى قاشىقتىقتى ەركىن شاۋىپ ءوتۋى كەرەك. جارىس بۇگىن جالعاساتىن بولادى.

اجار ەربولعان, ل.گۋميلەۆ اتىنداعى ەۋرازيا ۇلتتىق
ۋنيۆەرسيتەتىنىڭ ستۋدەنتى

تاعىدا

ۇقساس جاڭالىقتار

پىكىر ۇستەۋ

Back to top button