فۋتبولدان قازاقستان چەمپيوناتىنىڭ پرەمەر-ليگاسىندا كەزەكتى تۋردىڭ ويىندارى ءوتتى. ەل چەمپيونى اتاعىنا ۇمىتكەردىڭ ءبىرى سانالىپ كەلگەن «استانا» كومانداسى «قايرات» كلۋبىنان جەڭىلىپ قالدى.
«استانا ارەنا» ستاديونىندا وتكەن ماتچتىڭ ءبىرىنشى كەزەڭىندە استانالىق پاتريك تۆۋماسي ەسەپ اشقان ەدى. الايدا «قايرات» فۋتبولشىلارى ەكىنشى كەزەڭدە الاڭ يەلەرىن ەكى مارتە قاپىدا قالدىردى. ءسويتىپ بۇل ويىن 2:1 بولىپ الماتىلىقتاردىڭ پايداسىنا شەشىلدى. ال, التىن جۇلدەگە بىردەن-ءبىر ۇمىتكەر كوماندا «اقتوبە» بۇل جولى ءوز الاڭىندا «ەرتىس» كومانداسىن 3:1 ەسەبىمەن تىزە بۇكتىردى. چەمپيوناتتىڭ اياقتالۋىنا ءۇش تۋر قالدى. ازىرگە «اقتوبە» مەن «استانا» اراسىن التى ۇپاي ءبولىپ تۇر.تۋردىڭ باسقا ويىندارىندا مىنانداي ناتيجەلەر تىركەلدى: «شاحتەر» – «ورداباسى» 3:0, «جەتىسۋ» – «اتىراۋ» 0:0, «توبىل» – «ۆوستوك» 2:1, «اقجايىق» – «تاراز» 2:1.
عالىم قوجابەكوۆ
