«جۇمىسپەن قامتۋ – 2020» باعدارلاماسى بويىنشا جان-جاقتى جوسپارلى شارۋا تىندىرىلىپ جاتقانى تۋرالى كەڭiنەن ايتىلىپ تا, جازىلىپ تا ءجۇر. بۇل باعدارلاما قازiرگi كەزدە جۇمىسسىزدار قاتارىن ازايتۋدا زور ءرول اتقارا باستادى. مەملەكەتتiڭ ءوزi باس بولىپ ەل iشiندەگi جۇمىسسىزدىقپەن كۇرەسۋگە مول قارجى ءبولiپ, بوس جۇرگەن الەۋمەتتi قاجەتتi ماماندىققا وقىتىپ, سونىڭ نەسiبەسiن كورۋگە ناسيحات جۇرگiزۋدە.
اسiرەسە, تاجiريبەسi جوق جاس ماماندارعا مۇنداي باعدارلاما كەڭ كوكجيەك اشقانداي. تەك پالەن جىلدىق تاجiريبەسi بار ساقا كادرلاردى قاجەتسiنەتiن ۇيىمدار ەندi جۇمىسپەن قامتۋ مەكەمەسiنiڭ قايتا دايارلاۋدان وتكiزگەن ماماندارىنا سۇرانىس تۋدىرا باستادى. ءوزiنiڭ بiر جەردەن ۇيرەنە الماعانىن جاس مامان جۇمىسپەن قامتۋ مەكەمەسiنە كەلiپ, قايتا وقىتۋعا دەن قويا ءجۇرiپ, يگەرەدi. وسىنداي قادام ارقىلى تاجiريبە جيناپ, كەز كەلگەن مەكەمەگە جۇمىسقا تۇرۋعا مۇمكiندiك الىپ جاتقان جاستار لەگi از ەمەس.
سونىڭ بiر عانا مىسالى رەتiندە رەداكتسيامىزعا كەلiپ, جاقسى جۇمىسقا تۇرۋ مۇمكiندiگiنە يە بولعان قۋانىشىمەن بولiسكەن استانالىق دينارا نالiباەۆانى ايتساق بولادى.
دينارا مەكتەپ بiتiرiسiمەن ەكونوميكا, تەحنولوگيا جانە تاعام ءوندiرiسiن ستاندارتتاۋ كوللەدجiنە وقۋعا تۇسەدi. بۋحگالتەرلiك ماماندىقتى تاڭداعان ەكەن. وقۋىن تامامداعان سوڭ بiردەن جۇمىس تابۋ ماقساتىندا جۇمىسپەن قامتۋ مەكەمەسiنiڭ ەسiگiن قاعادى. مۇنداعى ماماندار ونى «زودياك» پيك-نە تاعىلىمدامادان وتۋگە جiبەرەدi. سول جەردە بەس ايداي iستiڭ انىق-قانىعىنا كوزiن ۇيرەتiپ, كوڭiلiنە توقىعان سالماقتى قىز وسىندا جۇمىسقا قالعىسى كەلەتiنiن بiلدiرەدi. ونداعى باسشىلىق تا دينارانىڭ قابiلەتiن ايرىقشا باعالاپ, جۇمىسقا قابىلداۋعا ازiرلiكتەرiن كورسەتەدi. تەك ول ءۇشiن وعان ءوزiنiڭ بۋحگالتەرلiك ماماندىعى بويىنشا 1س باعدارلاماسىن ۇيرەنۋ قاجەتتiلiگi تۋىندايدى. جۇمىسپەن قامتۋ مەكەمەسi دينارانىڭ سۇرانىسىنا وراي وعان 1س باعدارلاماسىن جەتiك مەڭگەرۋiنە ءمۇمكiندiك جاسايدى. ول بiر اي بويى اقمولا وقىتۋ-كۋرستىق كومبيناتىندا 1س باعدارلاماسىن ءۇيرەنiپ شىعادى. قايتا دايارلىقتان وتە سالىسىمەن ءوزi تاجiريبە جيناقتاعان «زودياكقا» تۇراقتى جۇمىسقا ورنالاسقان دينارانىڭ ەندiگi قۋانىشىندا شەك جوق.
قازiرگi تاڭدا وسىنداي مىسالدار كوبەيiپ كەلە جاتىر. قالامىزداعى جۇمىسپەن قامتۋ مەكەمەسi ءوز كەزەگiندە سۇرانىسقا يە ماماندىقتاردى قاجەتiنە ساي دايارلىقتان وتكiزۋدi تۇراقتى جالعاستىرا بەرەتiندiگiن حابارلايدى
شىنار ءابIلدا