كەزەكتى سەسسياعا دايىندىق بارىسىندا قالالىق ءماسليحاتتىڭ ءبىر توپ دەپۋتاتى ەلورداداعى №2 جىلۋ ەلەكتر ورتالىعىنا بارىپ, اتقارىلىپ جاتقان جۇمىستارمەن تانىستى.
«استاناەنەرگوسەرۆيس» اق-نىڭ باسقارما توراعاسى ءساۋىرباي ەسجانوۆ پەن «استانا-
ەنەرگيا» اق-نىڭ باسقارما توراعاسى ماقسات ەردەمبەكوۆ حالىق قالاۋلىلارىنا اتالمىش جىلۋ ورتالىعىنىڭ قۇرىلعىلارىن كورسەتتى. وسىعان وراي دەپۋتاتتار №2 جىلۋ ورتالىعىنىڭ قۋاتتىلىعى ساعاتىنا 120 مەگاۆاتتى ءوندىرەتىن بەسىنشى اگرەگاتتىڭ جۇمىسىن كوزدەرىمەن كورۋگە ءمۇمكىندىك الدى. سونداي-اق, حالىق قالاۋلىلارى الداعى جىلدىڭ جازىندا پايدالانۋعا بەرىلەتىن ە-550 جەتىنشى قازاندىق اگرەگاتىن قۇرىلىمداۋ جايىنا قانىقتى. وسى جىلۋ ەلەكتر ورتالىعىنىڭ قارقىندى دامىپ كەلە جاتقان استانا سەكىلدى قالانى تولىقتاي قامتاماسىز ەتۋگە شاماسى كەلمەي وتىرعانى ايتىلدى. «سوندىقتان, ەلوردا جىلۋدىڭ جارتىسىن ەكىباستۇز جىلۋ-ەلەكتر ورتالىعىنان ساتىپ الۋعا ءماجبۇر» دەدى م.ەردەمبەكوۆ. ونىڭ ايتۋىنشا, قالانىڭ ەكولوگيالىق احۋالىن جاقسارتۋ ماقساتىندا كاسىپورىندا جوسپارلى جۇمىستار جاسالۋدا. اسىرەسە, قالدىقتاردىڭ, كۇلدىڭ كولەمىن ازايىپ, اتموسفەراعا شىعارىلاتىن باسقا دا زياندى زاتتاردى قايتا وڭدەۋدىڭ جاڭا تەحنولوگيالارىن پايدالانۋعا, پايدالانىلعان جەردى قايتا قالپىنا كەلتىرۋگە مەيلىنشە ءمان بەرىلۋدە.
تالقىلانعان ماسەلەگە بايلانىستى دەپۋتاتتار م.شەكەنوۆ, ب.يساباەۆ, ز.شىبكەنوۆ, م.ورالوۆ, ب.سولسانوۆ پىكىر ءبىلدىرىپ, كۇل ءۇيىندىسىنىڭ قۇرامىنداعى زاتتاردى باقىلاۋ جۇمىستارىنىڭ قالاي جۇرگىزىلىپ جاتقانىنا كوڭىل ءبولدى. ال,
دەپۋتات باۋىرجان يساباەۆ جىلۋ ورتالىعىنان شىعارىلاتىن كۇلدى قايتا وڭدەپ, ونى قۇرىلىسقا, جول سالۋ قامىنا پايدالانۋدىڭ ماڭىزدىلىعىنا توقتالدى.
كوشپەلى ءماجىلىستى قورىتىندىلاي كەلە, قالالىق ءماسليحاتتىڭ حاتشىسى سانسىزباي ەسىلوۆ ەلوردانىڭ اۋاسىن لاستاۋشى كاسىپورىنداردىڭ ءبىرى جىلۋ-ەلەكتر ورتالىعى ەكەنىن, سوندىقتان, وسى ماسەلەنى جان-جاقتى تالقىلاپ, الداعى ۋاقىتتا قالاداعى عىلىمي قىزمەتكەرلەرمەن جانە ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ينجەنەرلىك فاكۋلتەتىنىڭ ستۋدەنتتەرىمەن بىرلەسە جۇمىس ىستەۋ كەرەكتىگىن ەسكەرتتى.
سودان سوڭ دەپۋتاتتار «استانا ەكو-پوليگون نس» كاسىپورنىن ارالاپ, تۇرمىستىق قالدىقتاردى كومۋ جانە قادەگە جاراتۋ جايىمەن تانىستى.
گۇلبانۋ
مامىرايىموۆا
