ەلىمىزدەگى پوليتسيا قىزمەتكەرلەرى وتكەن جىلى 50 مىڭ رەيد جۇرگىزگەن. ناتيجەسىندە كامەلەت جاسىنا تولماعان 3 600-گە جۋىق ءجاسوسپىرىمنىڭ كومەككە مۇقتاج ەكەندىگىن انىقتاعان. بۇل تۋرالى ورتالىق كوممۋنيكاتسيالار قىزمەتىندە «مەكتەپكە جول» جىل سايىنعى جالپى رەسپۋبليكالىق اكتسياسىنىڭ باستالۋى» تاقىرىبىندا وتكەن بريفينگتە قر ءبىلىم جانە عىلىم مينيسترلىگى بالالار قۇقىعىن قورعاۋ كوميتەتى توراعاسىنىڭ ورىنباسارى مانشۇك ابدىكارىم مالىمدەدى.
– ءبىلىم جانە عىلىم مينيسترلىگى «مەكتەپكە جول» قايىرىمدىلىق اكتسياسىن از قامسىزداندىرىلعان جانە كوپبالالى وتباسىلارعا كومەك بەرۋ ءۇشىن ۇيىمداستىرادى. وسى جىلعى شارانى تاۋەلسىزدىكتىڭ 25 جىلدىعىنا ارناعالى وتىرمىز. اتالعان اكتسيا بارىسىندا جىل سايىن 300 مىڭ بالاعا كومەك كورسەتىلەدى. 2015 جىلدىڭ قورىتىندىسى بويىنشا جەرگىلىكتى اتقارۋشى بيلىكتەن 318 026 بالا 2 ملرد تەڭگە كولەمىندە ماتەريالدىق كومەك العان, – دەيدى م.ابدىكارىم.
«اكتسيا بارىسىندا ىشكى ىستەر مينيسترلىگى رەيدتەر جۇرگىزدى. رەيدتىك شارالار ناتيجەسىندە قانداي وتباسىلارعا كومەك كورسەتۋ قاجەتتىلىگى انىقتالادى. وتكەن جىلى وسىنداي 50 مىڭ رەيدتىك ءىس-شارا وتكىزىلدى. ناتيجەسىندە 3 588 ءجاسوسپىرىمنىڭ كومەككە مۇقتاج ەكەندىگى بەلگىلى بولدى» دەپ باياندادى مينيسترلىك وكىلى.
ايتا كەتەيىك, «مەكتەپكە جول» اكتسياسىنا 70 مىڭعا جۋىق ادام تارتىلعان. ونىڭ ىشىندە قر ءىىم, قوعامدىق بىرلەستىكتەر جانە باق وكىلدەرى بار. سونداي-اق, قايىرىمدىلىق شاراسى بارىسىندا 200 مىڭعا جۋىق بالاعا دەمەۋشىلەر 1,5 ملرد تەڭگە كومەك كورسەتكەن ەكەن.
وسىنداي قايىرىمدىلىق اكتسياسى بيىل دا جالعاسىن تاباتىن بولادى.
